2 Saray Arari 9:17 - Maung A Balita Biblia

¹⁷ Anengneng na sakey a guardian walad panagbantayan si Jehu tan saray totoo to ya onsasabi. Inmeyag, “Walay nanenengneng kon olup na totoo!” Inmebat si Joram, “Mangibaki kay sakey a lakin mankabayo, ta nengnengen to no kakaaro ra odino kalaban ira.”

Maung a Balita Biblia

¹⁷ Anengneng na sakey a guardian walad panagbantayan si Jehu tan saray totoo to ya onsasabi. Inmeyag, Walay nanenengneng kon olup na totoo! Inmebat si Joram, Mangibaki kay sakey a lakin mankabayo, ta nengnengen to no kakaaro ra odino kalaban ira.

2 Saray Arari 9:17 Referans Kwoze

1 Samuel 16:4

Ginawa nen Samuel so imbaga na Katawan a gawaen to. Linmad Betlehem, a diman inabet na saray manggiwgiw a panguloy siudad tan tinepet da, “Mangiter kasiy kareenan yan imbisitam, managparles?”

Isaias 62:6

Angipasen ak ed tapew na saray padir mo, Jerusalem, na saray bantay; Nepeg ya agew labi ran ag balut ondeen. Nepeg ya ipanunot dad Katawan iray sipan to Tan ag da ipalingwan ed Katawan.

Isaias 56:10

Kuanto, “Amin da ray pangulo a kanepegan day mamasakbay komun ed saray totook et bulag ira! Anggapoy amta ra. Singa ra bantay ya aso ya ag makadangul—mandokdokul ira labat a mankogkogip. Agaylay panlabay dan onogip!

2 Saray Arari 9:19

Nibaki ni so sakey a too tan tinepet toy singa samay tinepet na inmonan nibaki. Inmebat lamet si Jehu, “Ag mo tan napibalian! Tombuk mo ak ditad beneg.”

2 Saray Arari 7:14

Amili ra sirin na pigaran lalaki, pinalogan da rad duaran karwahi, insan ira la imbaki na ari kayari to ran binilin a nengnengen da no antoy agawa ed saray sondalo na Siria.

1 Saray Arari 2:15

Inmebat, “Amtam a siak komuy nagmaliw ya ari tan inilaloan ya na amin a too ed Israel. Balet sananey so agawa, ta say agik so nagmaliw ya ari lapud linawa na Katawan a sikatoy manari.

2 Samuel 18:24

Manyodyorung si David ed nanleetan na puirtan walad paway tan say puirtan walad dalem na siudad. Kinmalab ed padir so bantay, insan tinmoon ed toktok na puirta; ninmengneng et abantag toy toon mambabatik a bukbukor.

2 Samuel 13:34

Batik la balet si Absalom. Kabebekta say bantay anengneng tod dalan ed gilig na palandey so olup na totoon onsasabin nanlapud Horanaim. Linmad kinen ari tan imbalita toy anengneng to.

1 Samuel 17:22

Intilak nen David ed opisyal a managasikasoy abasto so awit to, linmad saray nandarasig a sondalon mibakal, dinago to ray kuya to, tan tinepet toy kipapasen da.

2 Saray Arari 9:11

Pinmawil si Jehu ed saramay kapara ton opisyal, tan tinepet dad sikato, “Kamaungan ya amin so agawa? Antoy nilaan tod sika may ambagel a too?” “Amta yo no antoy nilaan to,” ebat nen Jehu.

2 Saray Arari 9:16

Insan linmogan ed karwahi to, ta onlad Jezreel. Ag ni inmabig si Joram, tan walad Jezreel si Ari Ahazias na Juda, ta bibisitaen to.

2 Saray Arari 9:18

Nankabayon inmabet ed kinen Jehu imay imbaki, insan kuantod sikato, “Labay a kabaten na ari no kasi oonla ka dian sakey a kaaro.” “Ag mo tan napibalian!” ebat nen Jehu. “Tombuk mo ak ditad beneg.” Imbalita na samay guardia ed panagbantayan ya asabi la na samay imbaki so olup na totoo, balet et ag ni ompapawil.