2 Saray Arari 9:14 - Maung A Balita Biblia

^14-15 Siniliban a nilabanan nen Jehu si Ari Joram. Walad Jezreel so ari, ta dimay nila ton pampapaabigan ed saray asugat ed sikato nen akilad bakal ed Ramot-galaad sumpad Ari Hazael na Siria. Kanyan inkuanen Jehu ed saray kapara ton opisyal, “No tuan kagampi yo ak, ag yo papaolyan so siopaman diad Ramot-galaad ya onlad Jezreel a mamasakbay ed saray totood man.”

Maung a Balita Biblia

^14-15 Siniliban a nilabanan nen Jehu si Ari Joram. Walad Jezreel so ari, ta dimay nila ton pampapaabigan ed saray asugat ed sikato nen akilad bakal ed Ramot-galaad sumpad Ari Hazael na Siria. Kanyan inkuanen Jehu ed saray kapara ton opisyal, No tuan kagampi yo ak, ag yo papaolyan so siopaman diad Ramot-galaad ya onlad Jezreel a mamasakbay ed saray totood man.

2 Saray Arari 9:14 Referans Kwoze

2 Saray Arari 8:28

Akigampiy Ari Ahazia ed kinen Ari Joram na Israel diad impibakal dad Ari Hazael na Siria. Diad Ramot-galaad so nambabakalan da. Asugatan si Joram ed sayan bakal.

1 Saray Arari 22:3

Tinepet nen Acab ed saray opisyal to, “Amta yo a kayaryan tayoy Ramot-Galaad. Akin balet et ag tayo babawien ed ari na Siria?”

2 Saray Arari 15:30

Nen kumaduamplon taon na panaarid Juda nen Jotam a lakin anak nen Uzias, si Oseas a lakin anak nen Ela impangulo toy komplut a sumpad Ari Pekas; pinatey to, insan sinalatan ton ari.

2 Saray Arari 10:9

Kasabiy kabwasan, linmad puirta si Jehu tan inkuantod saray totoon wadman, “Siak so nanlipot a linmaban ed kinen Ari Joram tan pinatey ko; anggapoy kasalanan yod saman ya agawa. Balet siopay amatey ed saraya?

2 Saray Arari 9:31

Nen onloloob ed puirtay siudad si Jehu, ineyag to, “Zimri ya amatey na amo to! Kareenay inyakaran mo dia?”

1 Saray Arari 16:16

et nen nadngelan dan nantraidoran nen Zimri so ari tan pinatey to, imbawag da lad man a manari ed Israel si Omri a pangulo ra.

1 Saray Arari 16:9

Nantraidoran nen Zimri a sakey ed saray opisyal ton makaoley ed kapalduad saray karwahi na ari. Aminsan ya agew, maniinom na alak ed Tirza so ari diad abung nen Arza a makaoley ed palasio.

1 Saray Arari 16:7

Niiter ed panamegley nen propita Jehu a lakin anak nen Hanani so salita na Katawan sumpad kinen Baasa tan saray kabyangan na pamilya to, lapud saray kasalanan nen Baasa ed Katawan. Aliwa labat a say impanggagawa toy kaogsan, a singa say impanggagawa nen Jeroboam ya akaonan nanoley nen say sikato, so makasengeg na impamasnuk na Katawan, no ag ingen lapu met ed impamatey tod kinen Jeroboam tan amin kabyangan na pamilya to.

1 Saray Arari 15:27

Si Baasa a lakin anak nen Ahias tan kabyangan na tribu nen Isacar et niliputan toy Nadab tan pinatey to legan a lolooban nen Nadab so siudad na Gibeton diad Filistia.

2 Saray Arari 9:2

tan kasabim diman anap moy Jehu a lakin anak nen Josafat tan apo nen Nimsi. Iyarawim ed saray kakaiba to, itagar mod sakey a kuarto,

2 Saray Arari 8:29

Pinmawil ed siudad na Jezreel ta mampaabig ed sugat to, tan binisitad man nen Ahazia.