2 Saray Arari 8:20 - Maung A Balita Biblia

²⁰ Legan na panooley nen Jehoram, linmaban ed Juda so Edom, tan nagmaliw a walay dilin ari na Edom.

Maung a Balita Biblia

²⁰ Legan na panooley nen Jehoram, linmaban ed Juda so Edom, tan nagmaliw a walay dilin ari na Edom.

2 Saray Arari 8:20 Referans Kwoze

1 Saray Arari 22:47

Nen saman anggapoy ari ed dalin na Edom; inoleyan na toon tinoro na ari ed Juda.

2 Saray Arari 3:9

Kanyan linman mibakal si Ari Joram, say ari na Juda, tan say ari na Edom. Kayariy pitoy agew a pankukurang da, naoputan iray danum; anggapoy nakdaan a para saray totoo tan saray ayayep.

2 Saray Arari 8:22

Nanlapud saman andi lad silong na pakaoley na Juda so Edom. Diad saman met a panaon, linmaban met ed Juda so siudad na Libna.

2 Saray Arari 3:27

Kanyan inala toy sankapangulowanan a lakin anak ton onsalat ed sikaton manari, tan imbagat tod dios na Moab diad tapew na padir na siudad. Ataktakot iray Israelita, kanyan sinmoner ira tan amawil la rad dilin bansa ra.

2 Samuel 8:14

Nankampod nandoroman lugar na Edom iray sondalo to, kanyan nagmaliw a walad silong na pakaoley to ray tagad man. Impanatalo na Katawan si David ed anggan iner a pasen.

Genesis 27:40

Mambilay ka diad panamegley na ispadam, Balet manlingkur kad agim. Anggaman ontan, no onlaban kad sikato, Makaekal ka ed silong na pakayari to.”

2 Saray Arari 3:26

Nen anengneng na ari na Moab a natatalo, anipon na piton lasus a sondalon ispaday bebembenan da tan sinali toy onselak ed saray kalaban, pian makabatik ed ari na Siria, balet ag to ayarian.

1 Saray Arari 22:48

Wala ray barko nen Josafat a para biahid dalin na Ofir, ta manalay balituk; balet aderal irad Ezion-geber, kanyan ag la ra nambiahin balut.

2 Saray Arari 14:7

Pinatey nen Amasias iray samplon libo ya Edomitan sondalo diad Patar na Asin; diad bakal dinakep toy siudad na Sela, insan tinawag to na Jokteel, say ngaran ya ag ni naoman ya anggad natan.