2 Saray Arari 8:1 - Maung A Balita Biblia

¹ Inkuanen Eliseo ed samay biin taga Sunem, a say anak ton laki et pinabilay to, “Manayam kad arum a lugar, sika tan say pamilyam, ta say Katawan padalanen tod dalin na Israel so eras tan mansiansian pitoy taon.”

Maung a Balita Biblia

¹ Inkuanen Eliseo ed samay biin taga Sunem, a say anak ton laki et pinabilay to, Manayam kad arum a lugar, sika tan say pamilyam, ta say Katawan padalanen tod dalin na Israel so eras tan mansiansian pitoy taon.

2 Saray Arari 8:1 Referans Kwoze

Aggeo 1:11

Anggapoy pateterteren kon oran ed dalin—diad kapokdulan, diad kaalogan, diad kaubasan, tan diad kaolibaan—diad amin a tanaman ed dalin, diad saray totoo tan saray ayayep, tan diad amin a bengatlan labay yon pabalegen.”

Saray Salmo 105:16

Impadalan na Katawan so eras ed bansa ra, tan inala ton amiy kakanen da.

Ruth 1:1

Nen saman a panaon, nen say huis so manooley ed Israel, dinmalan so eras ed intiron bansa. Kanyan walay sakey a lakin taga Betlehem, a sakop na Juda a linman akiayam ed bansa na Moab. Kaiba toy asawa to tan saray duaran anak ton lalaki.

2 Saray Arari 4:18

Aminsan ya agew nen baleg la may ogaw, linmad kinen ama to diad alog a kawalaan da ray manaani.

Genesis 12:10

Balet walay eras ed saman a lugar, et lapud mapalalo la linmay Abram ed bandad abalaten, diad Egipto, ta manayam diman a magano.

Lucas 4:25

Balet kuankod sikayo ya amayamay so balon bibii ed Israel nen panaon nen Elias. Diad saman, taloy taon tan kapaldua ya ag inmoran a balut, kanyan walay balbaleg ya eras ed lapag na saman a dalin.

1 Saray Arari 18:2

Linma sirin si Elias. Mapalalo lan tuloy natan so eras ed Samaria,

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

Levitico 26:26

Patondaen koy pangyakar na kakanen yo, kanyan say samploran bibii nakaukolan da labat so sakey ya ornowan a panggawaan dad amin a tinapay da. Ibunog day tinapay da ta no naakan yo lan amin, narasan kayo nin siansia.

Saray Gawgawa 11:28

Inmalagey so sakey ed sikaran manngaray Agabo ta, diad pakayariy Ispiritu, impasakbay ton onsabiy baleg a gawat ed intiron mundo. (Tinmua yan propisiya to nen si Claudio so Impirador.)

Lucas 21:22

Ta saraya lay ‘Agew na Dusa,’ pian ontuay amin ya ibabagay Masanton Sulat.

Lucas 21:11

Wala ray onsabin maksil a yegyeg, eras, tan sakisakit diad nandoroman pasen. Onletaw iray makapataktakot a bengatla tan makapakelkelaw iran tandan manlapud tawen.

Jeremias 25:29

Igapok ed dilin siudad ko so panderal. Abaloan da amon ag ira nadusa? Nadusa ra, ta ipadalan koy bakal ed amin a katoowan diad tapew na dalin. Siak, say Katawan, so nansalita.

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

2 Samuel 24:13

linmad sikatoy Gad, sinalita toy impaibaga na Katawan, tan tinepet to, “Dinay pilien mo? Taloy taon ya eras ed dalin mo, odino taloy bulan ya ibatik-batikan mo ray kalaban mo, odino taloy agew a salot ed dalin mo? Kanyan nunot mo tan ibagam ed siak no antoy ebat mo, ta sikatoy ibagak ed Katawan, ya angibakid siak.”

2 Samuel 21:1

Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

Genesis 47:4

Linma kami dian manayam ed sayan bansa, ta lapud mapalalon eras ed Canaan, anggapoy pangipastolan mid saray karniro mi. Abuloyan yo kami pan manayam ed Gosen.”

Genesis 41:32

Say impakapidwa na kogip mo kabaliksan to a say Dios tinibokel to lad kanunotan to yan gawaen, tan asingger lan nagawa.

Genesis 41:25

Inkuanen Jose, “Saksakey so talus da ra yan duan kogip mo; imbagay Dios ed sika so gawaen to.

Genesis 26:1

Wala lamet so sinmabin eras ed Canaan, likud ed samay sinmabi la nen panaon nen Abraham. Linmay Isaac ed kinen Abimelec ya ari na Palestina, diad Gerar.

Genesis 41:54

tan ginmapo lay pitoy taon na eras, onung na samay imbaga nen Jose. Walay eras ed arum a bansa, balet walay nakan na saray totoo ed intiron Egipto.

2 Saray Arari 4:38

Aminsan ya agew nen dinmalay eras ed intiron bansa, pinmawil ed Gilgal si Eliseo. Legan ton babangatan iray propita, imbaga tod samay aripen to a mangitoon na baleg a sayap, ta ilutoan to ray kanen da.

2 Saray Arari 7:20

Kanyan sikato yay agawad sikato—inatey, ta agatin-gatinan na saray totoo diad puirtay siudad.

2 Saray Arari 8:2

Inmonur imay bii ed kinen Eliseo, kanyan sikato tan say pamilya to et nanayam irad Filistia na pitoy taon.

2 Saray Arari 4:36

Tinawag nen Eliseo si Giezi tan imbaga tod sikaton tawagen toy ina to may ogaw. Kasabi to may bii, inkuanen Eliseo ed sikato, “Niay anak mo.”

Amos 4:6

“Siak so angipadalan na eras ed saray siudad yo, balet ag kayo pinmawil ed siak.