2 Saray Arari 7:16 - Maung A Balita Biblia

¹⁶ Nanlulumbaan a pinmaway iray totood Samaria tan inaakokus day antokaman a walad kampo. Onung na imbagay Katawan, nilako na sakey a pilak so taloran kilon sankaabigan a trigo odino anemiran kilon sibada.

Maung a Balita Biblia

¹⁶ Nanlulumbaan a pinmaway iray totood Samaria tan inaakokus day antokaman a walad kampo. Onung na imbagay Katawan, nilako na sakey a pilak so taloran kilon sankaabigan a trigo odino anemiran kilon sibada.

2 Saray Arari 7:16 Referans Kwoze

2 Saray Arari 7:1

Inmebat si Eliseo, “Dengel moy ibabaga na Katawan. Diad onyan oras nabwas nilakod sakey a pilak diad tindaan na Samaria so taloran kilon sankaabigan a trigo odino anemiran kilon sibada.”

Isaias 33:4

Nadopagan tan nasamsam iray kayaryan da.

Mateo 24:35

Naandipat so tawen tan dalin, balet ag balut naandipat iray salitak.”

Isaias 44:26

Balet no walay ipasakbay na aripen ko, no walay ibakik a mangipaamta na saray planok gagawaen kon ontua ira man a pasakbay tan planok. Ibabagak ed Jerusalem a manayam lamet iray totood man, tan ibagak ed saray siudad na Juda a nipaalagey ira lamet. Onalagey lamet iray siudad ya aderal-deral.

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Saray Salmo 68:12

“Ombabatik la ray arari tan saray sondalo ra!” Saray bibiin atilak ed kaabungan inaapag da ray asamsam:

2 Saray Awaran 20:25

Dinmago ira di Josafat tan saray sondalo to a mangala na saray kayamanan da ray kalaban. Amayamay so nalmo ran baka, abasto, kawes, tan saray mabmablin bengatla. Anggaman a taloy agew iran nanaala, ag da ayarian ya inalan amiy bengatla lapud karakel.

1 Samuel 17:53

Nen amawil iray Israelita, kayari ran inoosilan iray Filisteo, inaala ray antokaman a walad kampo ra.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

2 Saray Arari 7:15

Linma ra ya anggad Jordan, tan diad dalan anengneng da ray kawes tan saray kagawaan ya intitilak na saray Siriano diad imbatik da. Insan ira pinmawil tan imbaga rad ari so agawa.

Saray Salmo 68:13

saray malapatin pilak a mankidyam iray puron balituk a payak da. (Akin et nanayam iray arum ed sikayo ed kawalaan da ray koral na saray karniro nen agew na bakal?)