2 Saray Arari 6:15 - Maung A Balita Biblia

¹⁵ Diad kabkabwasan na ontombuk ya agew, binmangon so aripen nen Eliseo, pinmaway ed abung, et anengneng to ray Sirianon sondalo ya akakabayo tan akakarwahi ra a linmakob ed baley. Pinmawil ed kinen Eliseo tan kuanto, “Alakob itayo! Antoy gawaen tayo?”

Maung a Balita Biblia

¹⁵ Diad kabkabwasan na ontombuk ya agew, binmangon so aripen nen Eliseo, pinmaway ed abung, et anengneng to ray Sirianon sondalo ya akakabayo tan akakarwahi ra a linmakob ed baley. Pinmawil ed kinen Eliseo tan kuanto, Alakob itayo! Antoy gawaen tayo?

2 Saray Arari 6:15 Referans Kwoze

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

2 Saray Awaran 20:12

Sika so Dios mi! Dusam pa ra, ta anggapoy nagawaan min onsumpa ed sarayan amayamay a sondalon ondodogpad sikami. Ag mi amta no antoy gawaen mi, balet onaapireng kamid sika a tulongan mo kami.”

Saray Salmo 53:5

Balet ontan lay kataktakot da; anggapo niy asali ran onyan takot; ta ibuyak na Dios iray pokepokel na saray kalaban da ray totoo to. Impolisay ira na Dios, kanyan sigput a taloen ira na Israel.

Exodo 24:13

Namparaan si Moises tan si Josue a katulong to; si Moises ginapwan toy kinmalab ed masanton palandey.

Saray Gawgawa 13:5

Nen sinmabi ran Salamina, impupulong day salitay Dios ed saray sinagoga na Judio. Kaiba ran katulongan da si Juan a tatawagen met na Marcos.

2 Saray Arari 6:5

Nen mamabatang so sakey ed sikara, biglan naplag ed aralem a danum so oloy wasay to. “Anto natay gawaen ko?” inkuantod kinen Eliseo. “Binayes ko pa ni met iman!”

2 Saray Arari 5:27

Kanyan natan onalis ed sika may sakit nen Naaman, tan mansiansian sakiten na saray kabyangay boleg mo!” Kataynan nen Giezi, nagmaliw lan akating—singa kapotiy yilo so baog to.

2 Saray Arari 5:20

nen si Giezi ya aripen nen Eliseo et inkuantod sikaton dili, “Ag impanbayar na amok si Naaman a Siriano. Inawat to komun imay iiter to. Diad ngaran na mabilay a Katawan, aboten ko, ta miala ak na antokaman ed sikato.”

2 Saray Arari 3:11

Tinepet nen Ari Josafat, “Wala diay propita a diad panamegley to et makapangipanon tayod Katawan?” Inmebat so sakey ya opisyal na saray sondalo nen Joram, “Wadyay Eliseo a lakin anak nen Safat. Katulongan nen Elias nen saman.”

1 Saray Arari 19:21

Kayari ton nampatanir, inala to ra may baka to, pinatas to ra, tan inluto to ra. Insonglur to ray pako da ra may baka to. Inter tod saray totoo so aluton karni tan kinan da. Insan linma a tinmombuk a katambayan nen Elias ed saray kimey to.

2 Saray Arari 6:14

angibakid man na amayamay a sondalon akakabayo tan akakarwahi. Labiy insabi rad samay baley tan nilakob da.

2 Saray Arari 6:16

“Ag ka natatakot,” ebat nen Eliseo. “Dakel niy walad dapag tayo nen say walad sikara.”