2 Saray Arari 5:27 - Maung A Balita Biblia

²⁷ Kanyan natan onalis ed sika may sakit nen Naaman, tan mansiansian sakiten na saray kabyangay boleg mo!” Kataynan nen Giezi, nagmaliw lan akating—singa kapotiy yilo so baog to.

Maung a Balita Biblia

²⁷ Kanyan natan onalis ed sika may sakit nen Naaman, tan mansiansian sakiten na saray kabyangay boleg mo! Kataynan nen Giezi, nagmaliw lan akatingsinga kapotiy yilo so baog to.

2 Saray Arari 5:27 Referans Kwoze

Exodo 4:6

Say Katawan kuanto lamet ed kinen Moises, “Isoksok moy limam ed dalem na kawes mo.” Insoksok nen Moises sirin so lima to, et nen inoyus to akating so lima to tan pinmoti a singa kinapoti na kapes.

2 Saray Arari 15:5

Impansakit na Katawan si Uzias na kating tan nansiansia yad sikato legan to nin nambilay. Nibiig so nanayaman ton abung, asoblayan ed saray kimey to, tan si Jotam ya anak ton laki so nanoley ed bansa.

Saray Bilang 12:10

Et nen tinmaynan ed Tulda imay lorem, biglan alingbus na kating si Miriam tan nagmaliw ya ampotipotin maung. Nen anengneng nen Aaron ya akating si Miriam,

Oseas 10:13

Balet ag kayo inmonur, no ag ingen nantanem kayo na kaogsan tan inani yoy bunga ton maoges. Inakan yo ray bunga na saray tila yo. “Lapud nanmatalek kayod saray karwahi yo tan saray amayamay a sondalo yo,

2 Saray Arari 5:1

Say ari na Siria bibirbiren ton matalonggaring si Naaman a pangulo na saray sondalon Siriano, ta diad panamegley to impanalo na Katawan iray sondalo na Siria. Matalonggaring ya opisyal si Naaman, balet akating.

2 Samuel 3:29

Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!”

Josue 7:25

Insan inkuanen Josue, “Akin et impelag mod sikamiy gunigon? Ipelag natan na Katawan so gunigon ed sika!” Amin da ray totoo sirin tinutupak da si Acan ya anggad ag to impatey; tinutupak tan pinopoolan da met iray kabyangay pamilya to tan amin a kayaryan to.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

1 Timoteo 6:10

Ta say panangarod kuarta et lamut na amin a kaogsan. Wala ray nampipilalek a makatipoy kayamanan et sikato yay makasengeg na inarawian dad pananisia, tan adoyuk-doyuk so puso ra na amayamay a kaermenan.

Saray Gawgawa 8:20

Balet inmebat si Pedro, “Naderal ka komun tan say kuartam, ta abaloan mon nasaliw na kuarta so panangaroy Dios!

Saray Gawgawa 5:10

Kabebekta, atumba tan inatey ed saliyan nen Pedro si Safira. Linmoob ira may babalolaki tan anengneng dan inatey, kanyan inalsa ran impaway so bangkay to, insan da impompon ed abay na asawa to.

Saray Gawgawa 5:5

Kadngel nen Ananias ed saya, atumba tan inatey. Sinmabiy baleg a takot ed amin ya akadngel ed saya.

Levitico 13:10

a mannengneng ed sakit na samay too. No walay ampotin babag ed baog to ya amapoti na saray bago tan pinmaway lay laman,

Levitico 13:25

say pari nengnengen to. No pinmoti ray bago diad kawalaay batek tan kinmotlaung, kating yan sakit a ginmapod inpakapoolan to, sintinsiaan ton marotak.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.