2 Saray Arari 5:26 - Maung A Balita Biblia

²⁶ Balet inmebat si Eliseo, “Ag ta wadman ak ed ispiritu nen inmepas ed karwahi to may too tan inabet to ka? Akin, panaon natan a pangawat na kuarta, tan kawes, kakiewan na oliba, tan kaubasan, karniro, tan baka, odino saray aripen?

Maung a Balita Biblia

²⁶ Balet inmebat si Eliseo, Ag ta wadman ak ed ispiritu nen inmepas ed karwahi to may too tan inabet to ka? Akin, panaon natan a pangawat na kuarta, tan kawes, kakiewan na oliba, tan kaubasan, karniro, tan baka, odino saray aripen?

2 Saray Arari 5:26 Referans Kwoze

COLOSAS 2:5

Anggaman ya anggapod tay laman ko, wadtay ispirituk. Makaliliket ak diad impakaamtak ed maoksuy a kabibilay yo tan mabiskeg a pananisia yod Cristo.

1 CORINTO 5:3

No nipaakar ed siak, anggaman ya andi ak ditan ed laman, singa wadtan ak lamlamang ed ispiritu. Diad ngaran na Katawan tayon Jesus, sinintinsiaan ko la tan a toon manggagaway sankabandayan a kasalanan, a singa wadtan ak a kaiba yo.

2 Saray Arari 6:12

Inmebat so sakey ed sikara, “Ang-gapod sikami, Kagalang ya Ari. Ibabaga nen propita Eliseo ed ari na Israel so anggan say ibabagam ed dalem na dilin kuartom.”

Saray Gawgawa 20:35

Impanengneng kod sikayo a diad panamegley na onyan panagkimey, nepeg yon tulongan iray maniirap tan nunoten lawas so imbalikas na dilin Katawan a Jesus, ‘Lalon maliket so mangiter nen say mangawat.’”

Mateo 10:8

Paabig yo ray mansasakit tan pabilay yo ray inaatey. Paabig yo met iray akating tan paekal yo ray dimonyo. Angawat kayon anggapoy bayar, kanyan mangiter kayo met ya anggapoy bayar.

Probirbio 12:22

Kabosul na Katawan iray matila, balet maliket ed saray matoor ed salita ra.

Probirbio 12:19

Antikey so bilay na tila, balet mansiansiad anggad angga so katwaan.

Saray Salmo 63:11

Manliket so ari lapud impanalo na Dios. Idayew day Dios iray mangisisipan ed ngaran to, balet napepetan so kasangiyan da ray matitila.

2 Saray Arari 5:16

Inmebat si Eliseo, “Diad ngaran na mabilay a Katawan a panlilingkuran ko, ag ak mangawat na antokaman a rigalo.” Ipapasoot nen Naaman ya iter, balet ag to awaten.

Genesis 14:23

ya ag kon balut mangala na antokaman a kayaryan mo, anggan tinebey o sakey a bariber na sandalya. Ag mon balut nibagad satan, ‘Siak so nampayaman ed Abram.’

Saray Gawgawa 20:33

Ag ko inagom so pilak, balituk, o kawes na siopaman.

Saray Gawgawa 5:9

Inkuanen Pedro, “Akin et nankasakeyan yon sanasawa a suboken so Ispiritu na Katawan? Saray babalolaki ya angipompon ed asawam wadtan la rad puirta. Onsoblay ka met ya awiten dan ipaway!”

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Aggeo 1:4

“Totook, akin et manaayam kayod mararakep ya abung, balet palpaolyan yon aderal-deral so Timplok?”