2 Saray Arari 4:9 - Maung A Balita Biblia

⁹ Inkuan na samay bii ed asawa to, “Anggapoy duaruwak a masanton too yay mabetbet a mipupondo dia.

Maung a Balita Biblia

⁹ Inkuan na samay bii ed asawa to, Anggapoy duaruwak a masanton too yay mabetbet a mipupondo dia.

2 Saray Arari 4:9 Referans Kwoze

1 Saray Arari 17:24

Inmebat imay balo, “Amtak la natan a sakey kan too na Dios, tan tuan mansasalitay Katawan diad panamegley mo!”

2 Saray Arari 4:7

Pinmawil imay bii ed kinen Eliseo a too na Dios tan imbaga toy agawa. Inkuan na propita ed sikato, “Ilakom so larak tan bayaran mo ray utang mo; wala nid satan so nakeraan a kuartan pambilay mo tan saray anak mo.”

Tito 1:8

Nepeg ya amta toy manangkaili, maarod bengatlan maung, matonung, masanto, tan maadya.

1 TESALONICA 2:10

Natasian yo, ontan met na Dios, a nambilay kamin masanto, matonung, tan anggapoy pakabalawan ed impipiolup mid sikayo ran mananisia.

Mateo 5:16

Ontan met, iwandag yod arap na katoowan so silew yo, pian nanengneng da ray maung a gawa yo, et diad ontan, idayew day Ama yon walad tawen.”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

1 Pedro 3:1

Ontan met, sikayo ran bibii, paoleyan kayod kaasawaan yo. No walad sikaray ag ni manisiad salitay Dios natanggoyur iran manisia, diad panamegley na maung ya ogali yo. Anggano ag yo la ra paliwawaan,

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.

2 Pedro 3:2

Labay kon nunoten yo lawas iray sinasalita nen saman na saray masanton propita, tan say ganggan na Katawan tan Manangilaban ya imbangat na saray apostol a nibakid sikayo.

2 Pedro 1:21

Ta anggapon balut so propisiyan nanlapud linaway too, no ag ingen diad impanpulong na saray totoo na salitay Dios, say Ispiritu Santo so angiwanwan ed sikara.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

1 Saray Arari 13:1

Lapud ganggan na Katawan, linmad Betel a nanlapud Juda so sakey a propita tan asabian ton manalalagey ed abay na altar si Jeroboam a mangibabagat.

2 Saray Awaran 25:7

Balet sakey a propita so linmad kinen Ari Amasias tan kuantod sikato, “Ag mo pipilaen ira yan Israelitan sondalo. Ag kaiba na Katawan ira yan totoon taga Baybay a Nanarian.