2 Saray Arari 4:35 - Maung A Balita Biblia

³⁵ Binmangon si Eliseo, nanakar-akar ed dalem na kuarto, insan tinmikleb lamet ed samay bangkay. Amimpiton binmasis imay ogaw, insan linmimata.

Maung a Balita Biblia

³⁵ Binmangon si Eliseo, nanakarakar ed dalem na kuarto, insan tinmikleb lamet ed samay bangkay. Amimpiton binmasis imay ogaw, insan linmimata.

2 Saray Arari 4:35 Referans Kwoze

2 Saray Arari 13:21

Aminsan ya agew, legan na sakey a tolur, sakey ed saramay olup na Moabita so anengneng, et saray mangitotolur imbantak dad lobuk nen Eliseo so bangkay, insan ira batik. Kadiwit na samay bangkay ed saray pokel nen Eliseo, abilay imay too, insan inmalagey.

2 Saray Arari 8:5

Nen totongtongen nen Giezi so impamabilay nen Eliseo ed sakey ya ogaw, nibambanan inmapireng imay bii. Inkuanen Giezi ed ari, “Kagalang ya Ari, nia may bii tan samay anak ton pinabilay nen Eliseo!”

Saray Gawgawa 9:40

Pinapaway nen Pedro ran amin, insan nantalimukor a nampikasi. Inarap to may bangkay, insan inkuanto, “Tabita, bangon ka!” Minmorikat, et nen anengneng toy Pedro, inmirung.

Lucas 8:55

Binmilay tan inmalagey a tampol. Insan ingganggan nen Jesus a pakanen da.

2 Saray Arari 8:1

Inkuanen Eliseo ed samay biin taga Sunem, a say anak ton laki et pinabilay to, “Manayam kad arum a lugar, sika tan say pamilyam, ta say Katawan padalanen tod dalin na Israel so eras tan mansiansian pitoy taon.”

1 Saray Arari 17:22

Inebatan na Katawan so pikakasi nen Elias; pinmawil so kamarerwa to may ogaw, et abilay.

1 Saray Arari 17:21

Insan amitlon inyonat toy laman to ed tapew na samay ogaw, tan nampikasi, “O Katawan a Dios ko, pabilay mo pa yan ogaw!”

2 Saray Arari 4:36

Tinawag nen Eliseo si Giezi tan imbaga tod sikaton tawagen toy ina to may ogaw. Kasabi to may bii, inkuanen Eliseo ed sikato, “Niay anak mo.”

1 Saray Arari 18:43

Inkuantod aripen to, “Laka, ta bantag moy dayat.” Linma may aripen, insan pinmawil a kuanto, “Anggapoy anengneng ko.” Amimpiton imbaki nen Elias ya onlan onnengneng.

2 Saray Arari 5:10

insan angibakiy Eliseo na sakey ya aripen a mangibagad kinen Naaman ya orasan ton mamimpito ed Ilog na Jordan so laman to, et sigput ya onabig ed sakit to.

2 Saray Arari 5:14

Linma sirin ed Jordan si Naaman, linmegep ya amimpito, onung na imbaga nen Eliseo, et sigput ya inmabig. Balibali so nagmaliway laman to tan singa baog na ogaw so baog to.