2 Saray Arari 4:29 - Maung A Balita Biblia

²⁹ Inkuanen Eliseo ed kinen Giezi, “Ganatan mo! Alam imay bastun ko, ta laka la. Ag ka ontotondan mangibanod siopaman a naabet mo, ta no walay mangilugay ed sika ag ka la manaabalan mibanowan. Tuloy-tuloy mo lay abung tan itapew mod lupad bangkay na ogaw so bastun ko.”

Maung a Balita Biblia

²⁹ Inkuanen Eliseo ed kinen Giezi, Ganatan mo! Alam imay bastun ko, ta laka la. Ag ka ontotondan mangibanod siopaman a naabet mo, ta no walay mangilugay ed sika ag ka la manaabalan mibanowan. Tuloy-tuloy mo lay abung tan itapew mod lupad bangkay na ogaw so bastun ko.

2 Saray Arari 4:29 Referans Kwoze

2 Saray Arari 2:14

Impaspas tod danum imay kolibemben nen Elias tan kuanto, “Kawalaan na Katawan, say Dios nen Elias?” Pinaspas to lamet so danum, et abelsay, kanyan nanakar ya anggad basil na ilog.

1 Saray Arari 18:46

Linmoob so pakayari na Katawan ed kinen Elias; malet ton imbariber so kawes tod balangbang to tan batik ya inonaan si Acab ya anggad lolooban ed Jezreel.

Exodo 14:16

Iyatagey moy baston mo tan itorom ed dayat. Nabelsay so danum, et saray Israelita makapanakar irad amagan dalin diad ibaliw da.

Lucas 10:4

Ag kayo manaawit na pitaka, bayung, o sapatos. Ag kayo tonda-tondad dalan a mangigalang ed anggan siopa.

2 Saray Arari 9:1

Legan to ya, tinawag nen propita Eliseo so sakey ed saray malangwer a propita tan kuantod sikato, “Mamparaan ka, ta lakad Ramot-galaad. Awit mo yay sakey a garapon a larak na oliba,

Saray Gawgawa 19:12

Anggan saray panyo tan tapitapi a nidiwit ed laman to inyaakar dad saray mansasakit, et inmaabig ira tan inmeekal ed sikaray maoges iran ispiritu.

Saray Gawgawa 3:16

Say pakayariy ngaran nen Jesus so angiter na biskeg ed sayan laki. Agawa ya lapud pananisia ed ngaran to. Say pananisia ed kinen Jesus so amaabig ed sikato, onung na nanenengneng tan kabat yo.

2 Saray Arari 2:8

Inekal nen Elias so kolibemben to, nilokut to, insan impaspas tod danum; apaldua so danum, insan dinmalan iran dua nen Eliseo ed amagan dalin nen binmasil ira.

Exodo 4:17

Awit mo tay baston mo, ta ikanam ed panggawa na saray pakelaw.”

1 Pedro 1:13

Kanyan iparaan yo ray kanunotan yo. Mantadya kayo lawas tan sigput yon ipeket so ilalo yo ed bindision a niiter ed sikayo no nipaamta lay Jesu-Cristo.

TAGA-EFESO 6:14

Kanyan mamparaan kayo lawas; ibalkes yo so katwaan, isolung yoy katonungan a sanggay pagew yo,

2 Saray Arari 4:12

Imbaga tod aripen ton si Giezi a tawagen to may bii. Kasabi to may bii ed kawalaan nen Eliseo,

Probirbio 31:17

Mabiskeg a mankimey tan makolikoli.