2 Saray Arari 4:23 - Maung A Balita Biblia

²³ “Akin et natay iyakar mod sikato?” tepet na samay asawa to. “Aliwan Agew na Panagpainawa natan tan aliwa met a Pista na Balon Bulan.” “Andi bali,” ebat to.

Maung a Balita Biblia

²³ Akin et natay iyakar mod sikato? tepet na samay asawa to. Aliwan Agew na Panagpainawa natan tan aliwa met a Pista na Balon Bulan. Andi bali, ebat to.

2 Saray Arari 4:23 Referans Kwoze

Saray Bilang 10:10

Ontan met diad saray agew a panliliket yo—diad saray Pista na Balon Bulan tan arum ni ran niganan pista—paknul yo ra yan trumpita no isaklang yo la ray bagat yon popoolan tan saray bagat a para kareenan. Diad satan tulongan ta kayo. Siak so Katawan a Dios yo.”

1 Saray Awaran 23:31

tan kapag isaklang so bagat a popoolan no Agew na Panagpainawa, no Pistay Balon Bulan, tan no arum iran pista. Wala ray totontonen a mangibaga no pigaray Levitan manggawa ed sayan kimey da. Say pangigalang ed Katawan so kimey lawas na saray Levita.

Saray Bilang 28:11

Iyapay yod Katawan so bagat a popoolan diad ononan agew na kapag bulan: duaran malangwer a bakan kalakyan, sakey a karniron kalakyan, pitoran sakey taon a kordiron kalakyan; nepeg ya anggapoy deral na laman da.

2 Saray Arari 4:22

Tinawag to may asawa to tan kuantod sikato, “Mangibaki ka diay aripen a sankaawit toy sakey ya asno. Nakaukolan ya onla ak ed kinen propita Eliseo, insan ak dia ompawil a tampol.”

2 Saray Arari 4:24

Kanyan kinmabayod samay asno tan ingganggan tod samay aripen, “Pabatik mod anggaay nayarian to, tan ag mo pantatantanen likud no ibagak ed sika.”

Amos 8:5

Ibabaga yod sikayon dili, “Kapigan kasiy kasumpal na saray mablin agew, pian makalako kami lay trigo mi. Kapigan kasiy kasumpal na Agew na Panagpainawa, pian nayarian mi lay manlako lamet na trigo mi? Nasumpal la komun, pian makatubo kami lay dakel, nikana mi la ray masaol a sukatan, tan nilira mi ray simbangan pian napalikdo mi ray sumasaliw ed sikami.

Saray Bilang 28:9

Diad Agew na Panagpainawa mangyapay kayo na duaran sakey taon a kordiron kalakyan ya anggapoy deral na laman da, duaran kilon arina a nikames ed larak na oliba a sikatoy bagat a trigo, tan say bagat ya alak.

1 Samuel 20:5

Inmebat si David, “Nabwas et Pistay Balon Bulan; nepeg a mirongo ak ed ari. Balet abuloyan mon onla ak ya onamut ed alog, anggad labi na kumatlon agew.