2 Saray Arari 4:14 - Maung A Balita Biblia

¹⁴ Tinepet nen Eliseo ed kinen Giezi, “Anto kasiy nayarian kon itulong ed sikato?” Inmebat si Giezi, “Anggapoy anak to tan masiken lay asawa to.”

Maung a Balita Biblia

¹⁴ Tinepet nen Eliseo ed kinen Giezi, Anto kasiy nayarian kon itulong ed sikato? Inmebat si Giezi, Anggapoy anak to tan masiken lay asawa to.

2 Saray Arari 4:14 Referans Kwoze

Lucas 1:7

Anggapoy anak da, ta lepes si Elizabet; insan sakey ni, mataktakken la ran dua.

1 Samuel 1:8

Tepeten ed satan nen Elcana ya asawa to, “Ana, akin et onaakis ka? Akin et ag ka mangan? Ag ka la kari maneermen. Ag mo ak ta pinabli nen saray samploran anak a lalaki?”

Saray Huis 13:2

Diad saman a panaon walay sakey a lakin manngaran na Manoa a taga baley na Zora tan kabyangay tribu nen Dan. Ag mananak so asawa to, ta lepes.

Genesis 25:21

Ag mananak si Rebeca, ta lepes, kanyan impikasi nen Isaac. Inebatan na Katawan so pikakasi to, et nanlokun si Rebeca.

1 Samuel 1:2

Si Elcana duaray asawa to, si Ana tan si Penina. Si Penina wala ray anak to, balet si Ana anggapo.

Genesis 30:1

Balet anggapoy anak nen Raquel, kanyan angimon ed kinen atsi to. Inkuantod kinen Jacob, “Itdan mo ak na anak ko; ta no andi, ompatey ak.”

Genesis 17:17

Dinmakmomo si Abraham ya anggad dalin so lupa to, balet akalek nen ninunot tod sikaton dili, “Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to?”

2 Saray Arari 4:13

inkuanen Eliseo ed kinen Giezi, “Tepet mo no antoy nitulong kod sikato a pakabales ed sikatod pangiiter toy nakaukolan ta dia. Angangko labay ton onla ak ed ari odino pangulo na saray sondalo tan isalitaan ko.” Inmebat imay bii, “Wadya ak ed saray kakanayon ko tan wala lan amiy nakaukolan ko.”

2 Saray Arari 4:15

“Ibagam ya onla dia,” ganggan nen Eliseo. Dinmago may bii tan nanalagey ed puirta,