2 Saray Arari 4:1 - Maung A Balita Biblia

¹ Linmad kinen Eliseo so sakey a biin balo na sakey a kabyangan na grupo da ray propita tan kuanto, “Inatey lay asawak! Amta yo met la a walay takot tod Dios imay asawak, balet linmad siak so lakin akautangan to, ta aalaen ton aripenen iray duaran lalakin anak ko a pinagkabayar na utang na asawak.”

Maung a Balita Biblia

¹ Linmad kinen Eliseo so sakey a biin balo na sakey a kabyangan na grupo da ray propita tan kuanto, Inatey lay asawak! Amta yo met la a walay takot tod Dios imay asawak, balet linmad siak so lakin akautangan to, ta aalaen ton aripenen iray duaran lalakin anak ko a pinagkabayar na utang na asawak.

2 Saray Arari 4:1 Referans Kwoze

Mateo 18:25

Anggapoy nibayar to, kanyan ingganggan na ari a sikatoy ilako, pati say asawa to, saray anak to, tan amin a kayaryan to, pian makabayar.

2 Saray Arari 2:3

Linmad kinen Eliseo so sakey a grupo na saray propita a manaayam diman tan kuandad sikato, “Amtam a diad sayan agew et alaen ed sika na Katawan so amom?” “On, amtak,” ebat nen Eliseo. “Balet ag tayo la tan pantongtongan.”

Puyan 19:5

Insan walay nansalitan nanlapud trono ya inkuanto, “Idayew yoy Dios tayo, sikayon amin ya aripen to, sikayon amin a mangigagalang ed sikato, matalonggaring man o andi!”

Mateo 18:30

Balet ag inmabuloy. Impaipriso to ni ingen ya anggad ag to pakabayar.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Malakias 3:16

Insan nantotongtong iray totoon walay takot dad Katawan. Dinmengel so Katawan ed sikara, et nadngel toy imbabaga ra. Diad arap to nisulat so sakey a libro a nipaakar ed saray tinmakot ed Katawan tan angigagalang ed sikato.

Saray Salmo 147:11

balet pakaliliketan to ray mangigagalang ed sikato, saray manmamatalek ed ag mangoman a panangaro to.

Saray Salmo 103:17

Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Saray Salmo 103:11

No panoy kaatagey na tawen manlapud dalin, ontan met so kabaleg na panangaro tod saray mangigagalang ed sikato.

1 Samuel 22:2

Linmad sikato ray totoon napapairap, o saray walay utang, o saray walay riklamo; sakey ya apat a lasus iran amin, tan nagmaliw a pangulo ra.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Saray Gawgawa 13:26

“Agagik iran kabyangay boleg nen Abraham tan sikayo ran mangigagalang ed Dios: sikatayoy angiteran na Dios na sayan balita a nipaakar ed kilalaban!

Mateo 18:35

“Ontan met so gawaey Amak ed tawen ed sikayo, no ag yo pirdonaen ed intiron puso yo so agi yo.”

Jeremias 34:14

a kapag pitoy taon mangibolus ira na siopaman a Hebreon aripen ya akapanlingkur lad sikara na anem taon. Balet ag ak inkabilangan na saray lalaki yo; ag da dinengel so imbagak.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Nehemias 10:31

No diad Agew na Panagpainawa odino diad arum a masanton agew et mangyakar iray sangkaili na trigo odino antokaman ya ilako rad sikami, ag kami manaliw ed sikara. Kapag kumapiton taon ag mi dalusay dalin mi, tan lingwanan mi la ray amin ya utang ed sikami.

Nehemias 7:2

Insan ko impasen a manoley ed siudad na Jerusalem so duaran lalaki a di Hanani ya agik tan Hananias a pangulon opisyal na tirinsira. Anggapoy mipara ed kinen Hananias ed inkatoor to tan say inkatakot tod Dios.

2 Saray Arari 4:38

Aminsan ya agew nen dinmalay eras ed intiron bansa, pinmawil ed Gilgal si Eliseo. Legan ton babangatan iray propita, imbaga tod samay aripen to a mangitoon na baleg a sayap, ta ilutoan to ray kanen da.

2 Saray Arari 2:5

Linmad kinen Eliseo so sakey a grupo na saray propita a manaayam diman tan kuandad sikato, “Amtam a diad sayan agew et alaen ed sika na Katawan so amom?” “On, amtak,” ebat nen Eliseo. “Balet ag tayo la tan pantongtongan.”

1 Saray Arari 20:35

Lapud ganggan na Katawan, say sakey a kabyangay grupo na saray propita ingganggan toy sakey a kapara ton propita, “Kabil mo ak!” Balet ag to kinabil.

1 Saray Arari 18:3

kanyan tinawag nen Acab si Obadias a makaoley ed palasio. (Masimoon so panamagalang nen Obadias ed Katawan,

Levitico 25:48

no alako la, wala niy kanepegan ton narondon. Say sakey ed saray agagi ton lalaki

Genesis 22:12

“Ag mo didiwiten itay ogaw o panggawaan na antokaman,” inkuanto. “Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.”

Saray Salmo 115:13

Bindisionan ton amin iray manangigalang ed sikato, atagey man o abeba so kipapasen da.

2 Saray Arari 6:9

Balet impaibaga nen Eliseo ed ari na Israel, “Ag ka ondadalan ed saman a pasen, ta tatambangan kad man na saray Siriano.”

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Ruth 1:3

Inatey si Elimelec legan dan manaayam ed Moab. Atilak sirin si Noemi tan saramay duaran anak to.

2 Saray Arari 2:7

tan limamplon propitay tinmombuk ed sikara ya anggad Jordan. Tinmondad gilig na ilog si Elias tan si Eliseo, balet nanalagey ed bandad arawiy daiset ira may limamplon propita.

2 Saray Arari 2:15

Anengneng na saramay limamplon propita a nanlapud Jerico si Elias tan kuanda, “Walad kinen Eliseo so pakayari nen Elias!” Nila ran inabet, dinmakmomo rad arap to

Probirbio 22:7

Aripen na toon mayaman iray mairap-bilay. Miutang ka, et aripen kay akautangan mo.