2 Saray Arari 3:3 - Maung A Balita Biblia

³ Balet ag to tinondaan a nilagyat a mankasalanan iray Israelita, a singa ginawa nen Ari Jeroboam a lakin anak nen Nebat.

Maung a Balita Biblia

³ Balet ag to tinondaan a nilagyat a mankasalanan iray Israelita, a singa ginawa nen Ari Jeroboam a lakin anak nen Nebat.

2 Saray Arari 3:3 Referans Kwoze

1 Saray Arari 14:16

Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.”

2 Saray Arari 17:22

Inalig day Jeroboam, tan intuloy dan ginagawa ray kasalanan to,

2 Saray Arari 15:18

Nanggagawa na kaogsan sumpad Katawan; inalig ton anggad impatey to so impankakasalanan nen Ari Jeroboam a lakin anak nen Nebat, say arin nilagyat ton nankasalanan so Israel.

2 Saray Arari 15:9

Nanggagawa na kaogsan sumpad Katawan a singa ginagawa na saray akaonan nanoley nen say sikato. Inalig toy impankakasalanan nen Ari Jeroboam a lakin anak nen Nebat, say arin nilagyat ton nankasalanan so Israel.

2 Saray Arari 14:24

Nanggagaway kaogsan sumpad Katawan; inalig toy impankasalanan nen Ari Jeroboam a lakin anak nen Nebat, say arin nilagyat ton nankasalanan so Israel.

2 Saray Arari 13:11

Nanggagawa met na kaogsan sumpad Katawan tan inalig to ray kasalanan ya angilagyatan nen Ari Jeroboam ed Israel.

2 Saray Arari 13:6

Balet ag da inkaindan iray kasalanan ya angilagyatan nen Ari Jeroboam ed Israel, no ag ta intuloy day nankakasalanan; nansiansiad Samaria so talintao nen diosan Asera.

2 Saray Arari 13:2

Inalig toy Ari Jeroboam ya akaonan nanoley nen say sikato, nankasalanan ed Katawan tan inlagyat ton nankasalanan so Israel; ag to tinondaan a ginagawa so kaogsan to.

1 Saray Arari 16:31

Ag apera ed impangalig tod kasalanan nen Jeroboam; pinalumbasan to ingen, ta inasawa toy Jezebel ya anak nen Ari Etbaal na Sidon, tan angigalang ed Baal.

1 Saray Arari 15:34

Nanggagaway kaogsan ed arap na Katawan tan inlagyat ton nankasalanan so Israel a singa ginawa nen Jeroboam ya akaonan nanoley nen say sikato.

1 Saray Arari 15:26

Nanggagaway kaogsan ed arap na Katawan tan inlagyat ton nankasalanan so Israel, a singa ginawa nen ama to.

1 Saray Arari 14:9

Ambelat ni ray ginawam a kasalanan nen saray akaonan nanoley nen say sika. Impolisay mo ak tan impanpasnuk mo ak lapud impanggagawam na saray talintaoy diriyos tan saray imahin a mital a panagpikasian mo.

1 Saray Arari 13:33

Ag siansian inkaindan nen Ari Jeroboam so maoges a gagawaen to. Intuloy to ingen a pinilid saray ordinarion pamilya iray totoon magmaliw a paparin manlingkur ed saray altar a ginagawa to. Ginawa ton pari so siopaman a toon malabay a mampari.

2 Saray Arari 17:21

Kayarin impansian na Katawan so Israel tan Juda, impagmaliw na saray Israelita ya ari ra si Jeroboam a lakin anak nen Nebat. Impaikaindan nen Jeroboam ed sikara so Katawan da, insan inlagyat to ran manggaway ambelat a kasalanan.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

2 Saray Arari 23:15

Inggeba met nen Josias so pasen a panangigalangan diad Betel a ginawa na lakin anak nen Nebat a si Ari Jeroboam a nilagyat ton nankasalanan so Israel. Inggeba nen Josias imay altar, minekmek to ray bato to ya anggad dinmabuk ira; pinoolan to met so masanton tiken a nisaklang ed diosan Asera.