2 Saray Arari 3:25 - Maung A Balita Biblia

²⁵ tan dinederal da ray siudad da. Kapetek na saray Israelita ed balang mataban alog, tinutupak da na bato anggad atabunan ya amin iray kaalogan. Pinopoletan da ray sobul tan binabatang da ray kakiewan. Diad kaonuran, say manonan siudad na Kir Hares labat so atilak ya ag aderal. Niliktub na saray Israelita, insan dinogpaan da.

Maung a Balita Biblia

²⁵ tan dinederal da ray siudad da. Kapetek na saray Israelita ed balang mataban alog, tinutupak da na bato anggad atabunan ya amin iray kaalogan. Pinopoletan da ray sobul tan binabatang da ray kakiewan. Diad kaonuran, say manonan siudad na Kir Hares labat so atilak ya ag aderal. Niliktub na saray Israelita, insan dinogpaan da.

2 Saray Arari 3:25 Referans Kwoze

Jeremias 48:36

“Singa ak toon manotogtog ed plauta na sakey a togtog a para tolur diad pannanangis kod Moab tan saray totood Kireres, ta naandi ya amin so kayaryan da.

Jeremias 48:31

Kanyan nangisan kon amin iray taga Moab tan saray totood Kireres.

Isaias 16:7

Onnangis iray taga Moab lapud saray gunigon a liliknaen da. Onakis iran amin diad pakanunot dad saray taganon mananam ya inaakan dad siudad na Kirhareset. Naekalan iray ilalo.

2 Saray Arari 3:19

Nadakep yo ray amin a mararakep tan aliber na padir a siudad da; batangen yo ray amin a kakiewan dan mambubungay prutas, patondaen yo ray amin a sobul da, tan deralen yo ray amin a mataban kaalogan da diad panabun yoy bato.”

Isaias 16:11

Manoogaog ak ed ermen lapud agawad Moab tan Kir-hareset.

Isaias 15:1

Sikato yay propisiya a nipaakar ed Moab. Aderal a sanlabi iray siudad na Ar tan Kir, tan nakokobutan na bilonget so dalin na Moab.

2 Samuel 8:2

Insan to tinalo ray Moabita; pinarokul tod dalin iray priso, sinukat to ra na lobir, insan to pinatey ed sikara so duara ed kapag talora. Kanyan saray Moabita nagmaliw iran walad silong na pakaoley to, tan nambabayar iray buis ed sikato.

Saray Huis 9:45

Sanagew so impanlalaban da. Adakep nen Abimelec so siudad, pinapatey to ray totoo to, inggeba to ray paalagey, tan tinabunan to na asin so dalin.

Deuteronomio 2:9

Say Katawan kuantod siak, ‘Ag yo gugunigonen iray totood Moab, saray kabyangay boleg nen Lot; ag yo igagapoy mibakal ed sikara. Inter ko lad sikara so siudad na Ar, tan ag ta kayo itdan na anggan anton parti na dalin da.’” (

Genesis 26:18

Kinotkotan to lamet ira may bobun ya agawa nen panaon nen Abraham, tan tinabunan na saray Filisteo nen andi lad bilay si Abraham. Say impangingaran nen Isaac ed sarayan bobun et kapara na saramay impangingaran nen ama to.

Genesis 26:15

Kanyan tinabunan da ray amin a bobun a ginawa na saray aripen nen Abraham nen mabilay ni.

2 Saray Arari 3:24

Balet kasabi rad kampo, dinogpaan iray Israelita tan pinasener da ra. Inosilan na saray Israelita iray Moabita, pinapatey da ra

2 Saray Arari 3:26

Nen anengneng na ari na Moab a natatalo, anipon na piton lasus a sondalon ispaday bebembenan da tan sinali toy onselak ed saray kalaban, pian makabatik ed ari na Siria, balet ag to ayarian.