2 Saray Arari 25:29 - Maung A Balita Biblia

²⁹ Kanyan naabuloyan si Joakin a mansalat na kawes ton kawes na priso tan mirongo ed ari legan na impanbilay to.

Maung a Balita Biblia

²⁹ Kanyan naabuloyan si Joakin a mansalat na kawes ton kawes na priso tan mirongo ed ari legan na impanbilay to.

2 Saray Arari 25:29 Referans Kwoze

2 Samuel 9:7

“Ag ka natatakot,” ebat nen David. “Kasian ta ka makasengeg ed kinen amam a Jonatan. Ipawil kod sikay amin a dalin a kayaryan nen lakim a Saul, tan mangan ka lawas ed lamisaan ko.”

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Genesis 41:42

Inekal na ari so singsing to a panagmarka, insan to insolung ed gamet nen Jose. Sinolungan toy kawes a linen, tan initdan toy kadinan balituk a para beklew to.

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Zacarias 3:4

Samay anghil kuantod mangatatawen iran igaganggan, “Lakseb yod sayan laki so maringot ya akasolung ed sikato.” Insan to inkuan ed kinen Josue, “Inekal ko ray kasalanan mo tan itdan ta kay balon kawes ya isolung mo.”

Ester 8:15

Pinmaway ed palasio si Mardokeo ya akasolung na asul tan ampotin kawes na ari, akakolibemben na ambalbalangan pinon linen, tan akaiyan ed olo so baleg a koronan balituk. Insan diad saray dalan na Susa binmetag so eyag na liket tan gayaga.

Ester 4:4

Nen imbagad kinen Ester na saray aripen ton bibii tan saray yunuko so gagawaen nen Mardokeo, mapalaloy inkagunigon to. Angipatolur ed kinen Mardokeo na kawes ya isalat tod samay sako, balet ag inawat nen Mardokeo.

2 Saray Arari 24:12

insan sinmukod saray taga Babilonia si Ari Joakin, si ina to, saray anak ton lalaki, saray opisyal to, tan saray opisyal na palasio.

Genesis 41:14

Impaawit nen ari si Jose, kanyan nipaway a tampol ed prisowan. Kasumpal ton nambalbas tan nampales, pinmarontal ed ari.

Jeremias 52:33

Kanyan naabuloyan si Joakin a salatan toy kawes ton kawes na priso, mirongo ed ari kapag panangan legay impanbilay to ni.

1 Saray Arari 2:7

“Balet kasian mo ray lalakin anak nen Barsillai a taga Galaad; itdan mo ra lawas na nakaukolan da, ta kinasian da ak nen ibabatikan koy agim ya Absalom.

Jeremias 22:26

Ibantak ta ka tan say inam diad ag mo nianakan a bansa, tan diman kayon dua ompatey.