2 Saray Arari 25:25 - Maung A Balita Biblia

²⁵ Balet diad kumapiton bulan na saman met lamlamang a taon, si Ismael a lakin anak nen Netanias tan apo nen Elisama tan kabyangan na pamilyay ari et linmad Mizpa a kaiba to ray samploran lalaki, dinogpaan day Gedalias tan pinatey da. Pinatey da met iray Israelita tan saray taga Babilonia a kakaiba nen Gedalias.

Maung a Balita Biblia

²⁵ Balet diad kumapiton bulan na saman met lamlamang a taon, si Ismael a lakin anak nen Netanias tan apo nen Elisama tan kabyangan na pamilyay ari et linmad Mizpa a kaiba to ray samploran lalaki, dinogpaan day Gedalias tan pinatey da. Pinatey da met iray Israelita tan saray taga Babilonia a kakaiba nen Gedalias.

2 Saray Arari 25:25 Referans Kwoze

Zacarias 8:19

“Say ayunon nagagawa kapag kumapat, kumalima, kumapito tan kumaplon bulan et magmaliw a pista na liket tan gayagan para saray totood Juda. Nepeg yon aroen so katwaan tan kareenan.”

Zacarias 7:5

“Ibagam ed saray totood bansa tan saray papari ya ag da ak pinagalangan nen nanayuno tan nanermen ira nen kumalima tan kumapiton bulan legan na saraman a pitomplon taon.

Jeremias 40:15

Insan si Johanan inkuantod maamut ed kinen Gedalias, “Iyabuloy mon onla ak a pateyen koy Ismael, tan anggapod satan so makaamta no siopay amatey ed sikato. Ag ka nepeg a pateyen na saman a too. No napatey ka, nikaykayat iray Judion ooleyan mo; tan sakey ni, napatey ya amin iray atilak ed Juda.”

2 Saray Arari 11:1

Kadngel nen Atalia ya ina nen Ari Ahazia ed impamatey ed anak to, impapatey ton amin iray kabyangay pamilya na ari.

2 Saray Arari 25:24

Inkuanen Gedalias ed sikara, “Sambaan kod sikayo ya anggapoy nepeg yon takotan ed saray opisyal a taga Babilonia. Manayam kayod sayan dalin, manlingkur kayo ed ari na Babilonia, et maung ya amin so pansumpalan yo.”

Jeremias 41:1

Nen kumapiton bulan, si Ismael a lakin anak nen Natanias tan apo nen Elisama, tan sakey a kabyangay pamilya na ari, linmad Mizpa a kaiba to ray samploran lalaki, ta nengnengen day Gobirnador Gedalias. Nen wala rad Mizpa tan mandorongo ra,

Jeremias 41:2

inoyus nen Ismael so ispada to tan saramay samploran lalaki, insan da pinatey si Gedalias.

Jeremias 41:3

Pinatey met nen Ismael ya amin iray Israelitan kaiba nen Gedalias ed Mizpa tan saray sondalon taga Babilonia a nibanan wadman.