2 Saray Arari 25:12 - Maung A Balita Biblia

¹² Balet intilak tod Juda so pigaran totoon sankamairapay bilay tan anggapoy kayaryan, insan impankimey to rad kaubasan tan diad kaalogan.

Maung a Balita Biblia

¹² Balet intilak tod Juda so pigaran totoon sankamairapay bilay tan anggapoy kayaryan, insan impankimey to rad kaubasan tan diad kaalogan.

2 Saray Arari 25:12 Referans Kwoze

Jeremias 40:7

Wala ray pigaran ag sinmukon opisyal tan sondalo na Juda. Nadngelan da a say ari na Babilonia et ginawa ton gobirnador na dalin si Gedalias a lakin anak nen Ahicam tan impasen ton makaoley ed amin da ray ag niakar a priso ed Babilonia, salanti saray sankamairapay bilay ed dalin.

2 Saray Arari 24:14

Inawit ton priso iray totoo ed Jerusalem, amin da ray opisyal na ari, tan amin a manonan totoo; samplon libo ran amin. Intaruk to met ya amin iray maung a kumikimey, pati saray pumapanday; intilak to labat ed Juda iray totoon sankamairapan ed bilay.

Ezekiel 33:24

Inkuanto, “Siak a toon ompatey, saray totoon manaayam ed saray aderal-deral a siudad na dalin na Israel et ibabaga ra: ‘Saksakey a too si Abraham, et niiter ed sikatoy intiron dalin. Amayamay itayo la, kanyan natan kayaryan tayo la yay dalin.’

Jeremias 52:16

Balet intilak tod Juda iray sankamairapay bilay a totoo ya anggapoy kayaryan dan balut, insan to ra impandalus ed saray kaalogan tan impanasikaso to ray kaubasan.

Jeremias 39:10

Intilak tod dalin na Juda iray sankamairapay bilay a totoo ya anggapoy kayaryan dan balut, insan to ra initdan na saray kaubasan tan kaalogan.

2 Saray Arari 24:15

Inawit nen Nabucodonosor si Joakin a priso ed Babilonia, pati say ina nen Joakin, saray asawa to, saray opisyal to, tan saray manonan totoo ed Juda.

2 Saray Arari 24:16

Inyakar nen Nabucodonosor ed Babilonia iray amin a totoon atagey so kipapasen, piton libo ran amin, tan sanlibo ray marunong a kumikimey, pati saray pumapanday, a maung iran amin ya impanlaman tan sarag day mansondalo.

2 Saray Awaran 24:14

Nen asumpal so impangapiger, niiter ed ari tan si Joiada iray soluk a balituk tan pilak. Inkana da ra ya ed panggawa na saray yaung tan arum ni ran kagawaan na Timplo. Legan a mabilay si Joiada, ag tinmonda so pangisasaklang na saray bagat ed Timplo.

Nehemias 1:2

Si Hanani a sakey ed saray agagik a lalaki et sinmabi a kaiba to ray pigaran lalaki a nanlapud Juda. Tinepetan ko ra na nipaakar ed saray Judion pinmawil manlapud nibantakan dan Babilonia tan say nipaakar ed Jerusalem.

Isaias 24:6

Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.