2 Saray Arari 23:8 - Maung A Balita Biblia

⁸ Inyakar tod Jerusalem iray paparin walad saray siudad na Juda, tan diad intiron bansa ginagawa ton andi-kabaliksan iray altar a nambabagatan da. Inggeba to met iray altar a nisaklang ed saray dimonyon kanding diad asingger ed puirtan ginawa nen Josue, say gobirnador na siudad. Walad nikawigi na puirta na siudad ira may puirta no onloob kad siudad.

Maung a Balita Biblia

⁸ Inyakar tod Jerusalem iray paparin walad saray siudad na Juda, tan diad intiron bansa ginagawa ton andi-kabaliksan iray altar a nambabagatan da. Inggeba to met iray altar a nisaklang ed saray dimonyon kanding diad asingger ed puirtan ginawa nen Josue, say gobirnador na siudad. Walad nikawigi na puirta na siudad ira may puirta no onloob kad siudad.

2 Saray Arari 23:8 Referans Kwoze

1 Saray Arari 15:22

Insan ingganggan nen Ari Asa a balang sakey a tood Juda, anggapoy impoktil, et ontulong ed pangekal ed Rama na saray bato tan saray tablan impanpadir nen Baasa. Impamadir nen Asa ira yan bato tan tabla ed Mizpa tan Geba, sakey a siudad a nasasakopan na Benjamin.

Josue 21:17

Manlapud dalin na Benjamin niiter ed sikara so apatiran siudad: Gabaon, Geba,

Zacarias 14:10

Napalanas so intiron dalin manlapud Geba diad baybay ya anggad Rimon diad abalaten. Say Jerusalem mansiansian ososdungan to ray dalin ed kaliber-liber to; say siudad sakopen toy pasen a manlapud Puirta nen Benjamin ya anggad Puirta na Suyok, a kawalaan nen saman na gendat a puirta, tan manlapud Tori nen Hananel ya anggad pespesan na ubas na ari.

Isaias 10:29

Akabaliw la rad babaliwan tan mamapalabas iray labi ed Geba! Ataktakot iray totood baley na Rama, tan batik iray totood Gabaa a baley nen Ari Saul.

1 Saray Awaran 6:60

Diad dalin nen Benjamin nipabetang ed sikaray onggendan a baley, pati saray sakop dan pastolan: Geba, Alemet, tan Anatot. Labintalon amin a baley so nipabetang ed saray pamilya ra.

1 Saray Arari 19:3

Tinmakot si Elias, kanyan batik diad pangyagel tod bilay to; intagar tod Beerseba na Juda imay aripen to. Intilak diman nen Elias imay aripen to

Saray Huis 20:1

Amin da ray totood Israel, manlapud Dan diad baybay ya anggad Beer-seba diad abalaten tan manlapud Galaad diad bokig, et inmebat irad tawag a mibakal ira. Nantitipon iran singa saksakey iran laman diad arap na Katawan diad Mizpa.

Genesis 26:23

Tinmaynan si Isaac tan linmad Beer-seba.

Genesis 21:31

Kanyan atawag iman a pasen na Beer-seba, ta dimay nampaknaan dan dua.

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

Ezekiel 44:10

Say Katawan kuantod siak, “Dusaen ko ray Levita, pati saray arum a totood Israel, ya angikaindan ed siak tan angigalang ed saray talintaoy diriyos.

Josue 18:24

Kefar-haammoni, Ofni, tan Geba; labindua ran amin a siudad a pati saray baley ed kaliber-liber da.

Amos 5:5

Ag kayo oonlan mangigalang ed Beer-seba. Ag yo ak aanapen ed Betel, ta anggapoy pansumpalan na Betel. Ag kayo oonlad Gilgal, ta pangaskasiyan a nibantak ed arum a bansa iray totoo to.”