2 Saray Arari 23:7 - Maung A Balita Biblia

⁷ Dineral to ray kuarton walad dalem na Timplo ya ayaman na saray marotak a bibii tan lalaki. (Diman so nanggagawaan na saray bibii ed saray kawes ya inkakanad pangigalang ed Asera.)

Maung a Balita Biblia

⁷ Dineral to ray kuarton walad dalem na Timplo ya ayaman na saray marotak a bibii tan lalaki. (Diman so nanggagawaan na saray bibii ed saray kawes ya inkakanad pangigalang ed Asera.)

2 Saray Arari 23:7 Referans Kwoze

Ezekiel 16:16

Inkakanam a pamarakep ed saray pasen a panangigalangan mo iray arum a kawes mo tan, singa sakey a marotak a bii, inter moy laman mo ed anggan siopa.

1 Saray Arari 15:12

Pinataynan tod bansa iray amin a lalaki tan bibiin marotak a manlilingkur ed saray paganon altar, tan inekal to ray amin a talintaoy diriyos a ginagawa na saray akaonan nanoley nen say sikato.

1 Saray Arari 14:24

Say sankaogsan ed amin a ginagawa ra et say inkiwala na saray lalaki tan saray bibiin marotak diad saray ginagawa ran altar. Inalig na saray totood Juda iray amin a bengatlan makapabaing a ginagawa na saray totoon pinataynan na Katawan nen nilooban na saray Israelita so bansa.

Oseas 2:13

Dusaen ko lapud saray panaon ya inkaindan to ak, ta nampopool ed Baal na insinso tan insosolung to ray alahas pian naayat to ray kainarowan to. Say Katawan so nansalita.

Ezekiel 8:14

Kanyan inyakar to ak ed puirtad baybay na Timplo tan impanengneng tod siak iray bibiin aakisan day impatey na dios a Tamuz.

2 Saray Awaran 34:33

Dinederal nen Ari Josias iray amin a makapaingungot a talintaon walad dalin a kayaryan na saray totood Israel. Legan na impanbilay to, pinatoluk to ray totoo a manlingkur ed Katawan a Dios na saray lalaki ra.

1 Saray Arari 22:46

Pinataynan ton amin ed dalin iray marotak a lalaki tan bibiin atilak nid saramay panaon nen ama ton Asa, tan manlilingkur irad saray paganon altar.

Deuteronomio 23:17

“Sebel ed siopaman ya Israelita, bii may laki, so magmaliw a babayaran a too ed timplo.

Saray Bilang 25:1

Nen nankampod Patar na Acasia iray Israelita, saray lalaki ginapwan day akiakdul ed saray bibiin Moabita a wadman.

Oseas 4:13

Mangisasaklang iray bagat diad saray masanton pasen ed saray toktok na palandey, tan diad toktok na saray pokdul mampopool ira na insinso diad silong na saray atagey, tan masalumpapak a kiew, lapud balibali so sirum da! “Ontan sirin, nagmaliw a marotak a bii iray anak yo, tan saray bibiin manugang yo et mikakaloguran ira.

Oseas 4:14

Anggaman ontan ag ko ra dusaen ed saya, lapud sikayon dili et miaakdul kayo ed saray marotak a bibiid timplo, tan kaiba yo ran mangisasaklang na saray bagat da ray pagano. Onung na ibabagay sakey a probirbio, ‘Naderal iray totoon anggapoy kalakal da.’