2 Saray Arari 23:29 - Maung A Balita Biblia

²⁹ Legan na panaari nen Josias, impangulo nen Ari Neco na Egipto ed Ilog na Eufrates so sakey ya olup na saray sondalo, ta tulongan toy ari na Asiria. Inatey ed bakal si Ari Josias nen diad Megido et inabet ton patondaen ira may sondalo na Egipto.

Maung a Balita Biblia

²⁹ Legan na panaari nen Josias, impangulo nen Ari Neco na Egipto ed Ilog na Eufrates so sakey ya olup na saray sondalo, ta tulongan toy ari na Asiria. Inatey ed bakal si Ari Josias nen diad Megido et inabet ton patondaen ira may sondalo na Egipto.

2 Saray Arari 23:29 Referans Kwoze

Jeremias 46:2

Sikato ya so imbaga to nipaakar ed Egipto. Nansalita so Katawan nipaakar ed saray sondalo nen Ari Neco na Egipto, a tinalo nen Ari Nabucodonosor na Babilonia diad Carkemis ya asingger ed Ilog na Eufrates nen kumapat a taon na panaarid Juda nen Joakim a lakin anak nen Josias:

Zacarias 12:11

Diad satan a panaon say panermen ed Jerusalem et singa kabaleg na panermen ed Hadad-rimon diad patar na Megido.

Saray Huis 5:19

Sinmabid Taanac ed gilig na kolus na Megido iray arari tan akilaban ira; akibakal iray arari na Canaan, balet anggapoy imbatik dan pilak.

Puyan 16:16

Insan saray ari tinipon ira na saramay ispiritu; diad pasen a tatawagey Armagedon ed salitay Hebreo so impaniponan dad sikara.

Saray Taga Roma 11:33

Agaylay karakel so kayamanay Dios! Ag natokur so kakabatan tan pakatalus to! Ag natalusan iray panagsintinsia tan kagagawa to!

Ecclesiastes 8:14

Balet andi-kakanaan ya. Imano yoy nagagawa ed mundo: no maminsan niiter ed saray matonung so dusa na saray totoon maoges, tan niiter ed saray totoon maoges so tumang na saray matonung a totoo. Kuanko a sakey yan andi-kakanaan.

2 Saray Arari 24:7

Ag lan balut pinmaway ed Egipto so ari na Egipto tan saray sondalo to, lapud wala lad silong na pakaoley na ari na Babilonia iray amin a dalin a sakop na Egipto, manlapud Ilog na Eufrates ya anggad ketegan ed baybay na Egipto.

2 Saray Arari 22:20

kanyan no inatey ka la so panusak ed Jerusalem. Iyabuloy kon mareen so ipatey mo.” Pinmawil ed kinen Ari Josias ira may totoo tan imbaga ra yan salita.

2 Saray Arari 14:11

Balet ag dinmengel si Amasias, kanyan kinmurang si Ari Jehoas tan saray totoo to, insan nilabanan day Ari Amasias diad Bet-semes na Juda.

2 Saray Arari 14:8

Angibakiy Amasias na totoo to ed kinen Ari Jehoas na Israel, ta pasasagyat ton mibakal.

2 Saray Arari 9:27

Nen anengneng nen Ahazia so agawa, binmatik ya akalogan ed karwahi to tan amaarap ed baley na Bet-hagan. Balet inosilan nen Jehu tan ingganggan to ray totoo to a pateyen da met. Asugatan da nen papabatiken toy karwahi tod dalan a mamaarap ed Gur ya asingger ed baley na Ibleam. Balet ayarian ton intuloy so batik to ya anggad siudad na Megido, tan dia la inatey.

1 Saray Arari 4:12

Baana a lakin anak nen Ahilud: saray siudad na Taanac, Megido, tan amin a dalin ya asingger ed Bet-sean, say asingger ed baley na Zaretan, say sagur na baley na Jesreel, tan anggad siudad na Abel-menhola tan say siudad na Jocneam

Saray Huis 1:27

Ag pinataynan na tribu nen Manases iray totoon manaayam ed saray siudad na Get-sean, Taanac, Dor, Ibleam, Megido, tan saray kaabay dan baley; nansiansian nanayam irad may Cananeo.

Josue 17:11

Diad loob na dalin di Isacar tan Aser, kayaryan nen Manases so Bet-sean tan Ibleam, a pati saray baley a kaliber-liber da, tan ontan met ed Dor (samay walad gilig na dayat), En-dor, Taanac, Megido, tan saray baley a kaliber-liber da.

2 Saray Arari 23:28

Nisulat ed libron Say Awaran da Ararid Juda iray arum nin ginagawa nen Josias.

Ezekiel 19:1

Imbagad siak na Dios a kantaen ko yan maermen a kanta a para saray duaran prinsipi na Israel:

Jeremias 22:10

Totood Juda, ag yo aakisan si Ari Josias, odino eermenan so impatey to. Balet akisan yoy ampaipait si Joacaz a lakin anak to; aawiten dad arawin pasen tan ag lan balut makapawil; ag to lan balut nanengneng so dalin ton nianakan.

Jeremias 22:11

Say Katawan kuanto nipaakar ed kinen Joacaz a lakin anak nen Josias, a sikatoy sinmalat ed kinen ama to a manari ed Juda, “Tinmaynan ed sayan pasen tan ag lan balut ompawil.

Jeremias 22:12

Ompatey la ed bansa ya angyakaran dad sikato, tan ag to lan balut nanengneng yan dalin.”

Jeremias 46:6

Ag makaarawi iray mabatik; ag makataynan iray sondalo. Nipapatakba tan natutumba ra ed baybay ya asingger ed Ilog na Eufrates.