2 Saray Arari 23:25 - Maung A Balita Biblia

²⁵ Diad saray ararin akaona tan tinmombuk ed sikato, anggapoy miparad sikato a nanlingkur ed Katawan diad intiron puso, kanunotan, tan biskeg to; inonur ton amin iray Ganggan nen Moises.

Maung a Balita Biblia

²⁵ Diad saray ararin akaona tan tinmombuk ed sikato, anggapoy miparad sikato a nanlingkur ed Katawan diad intiron puso, kanunotan, tan biskeg to; inonur ton amin iray Ganggan nen Moises.

2 Saray Arari 23:25 Referans Kwoze

2 Saray Arari 18:5

Nanmatalek ed Katawan a Dios na Israel si Ezekias; say Juda ag awalaan na arin singa sikato, anggan saray ararin akaona o tinmombuk ed sikato.

Jeremias 29:13

Anapen yo ak et narumog yo ak, lapud anapen yo ak ed intiron puso yo.

Juan 1:17

Inter na Dios so Ganggan ed panamegley nen Moises, balet say aro tan katwaan sinmabid panamegley nen Jesu-Cristo.

2 Saray Arari 23:3

Nanalagey ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro. Insipan met na amin a totoo a sumpalen da so sipanan.

1 Saray Arari 8:48

No diad saman a dalin et petepeteg tan masimoon iran magbabawi tan mampikasi ran akaarap ed sayan dalin ya inter mod saray lalaki mi, diad sayan siudad a pinilim tan diad sayan Timplo ya impaalagey kon para sika,

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

Juan 7:19

Ag ta inter la nen Moises so Ganggan ed sikayo? Balet anggapod sikayoy mangoonur. Akin et labay yo ak a pateyen?”

Malakias 4:4

“Nunot yo ray bangat na aripen kon Moises, saray ganggan tan saray bilin ya inter kod sikato diad Palandey na Sinai, a nepeg ya onuren na amin da ray totood Israel.

Nehemias 10:29

et mikakasakey kamid saray pangulo mi diad pansamba mi a mambilay kami onung ed Ganggan na Dios, ya inter to ed panamegley na aripen ton si Moises tan nadusa kami no ag mi sumpalen; ya onuren min amin so ingganggan ed sikami na Katawan, say Katawan mi; a toluken mi ray amin a bilin tan totontonen to.

1 Saray Arari 15:5

Ginagawa ya na Katawan, lapud ginawa nen David iray makapaliket ed sikato tan ag ton balut sinumlang iray ganggan to, likud ed samay ginawa to ed Urias a Heteo.

1 Saray Arari 2:4

No onuren mo ray ganggan to, sumpalen met na Katawan so sipan tod siak a manoley ed Israel iray kabyangay boleg ko, legan a mabolbolus tan matoor iran mangonur ed saray ganggan to.

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.

Jeremias 22:15

Magmaliw ka sirin a maung ya ari lapud tablan sidro iray inkanam ed abung mo tan marakep ni nen saray arum? Nagnap a bilay so nanliketan nen amam. Maptek tan matonung lawas so impanbilay to, kanyan inmaligwas ed amin a ginagawa to.

Nehemias 10:30

Ag kami mangasawa odino miasawa ed saray sangkailin manaayam diad dalin mi.