2 Saray Arari 23:20 - Maung A Balita Biblia

²⁰ Pinatey ton amin iray paganon papari diad tapew na saray altar a nanlilingkuran da, tan pinoolan tod tapew na balang altar iray pokel na inaatey. Insan pinmawil ed Jerusalem.

Maung a Balita Biblia

²⁰ Pinatey ton amin iray paganon papari diad tapew na saray altar a nanlilingkuran da, tan pinoolan tod tapew na balang altar iray pokel na inaatey. Insan pinmawil ed Jerusalem.

2 Saray Arari 23:20 Referans Kwoze

2 Saray Arari 11:18

Linmad timplo nen Baal iray totoo, insan da inggeba; minekmek da ray altar tan saray wadman a talintaoy diriyos, tan pinatey dad arap na saray altar si Matan a pari nen Baal. Wala ray impanbantay nen Joiada ed Timplo,

2 Saray Awaran 34:5

Pinoolan to ray pokel da ray paganon papari diad tapew na saray altar ya angigalangan da. Diad impanggagawa tod sarayan amin impagmaliw ton malinis lamet onung ed ganggan so Juda tan say Jerusalem.

2 Saray Arari 10:25

Kayariy impangibagat nen Jehu, inkuantod saramay guardia tan saramay opisyal, “Loob ki la, ta patey yo ran amin; ag kayo mamapabatik na anggan sakey!” Linmoob iran sankabembenan day ispada, pinatey da ran amin, insan da inggagayugoy ed paway iray bangkay. Linma rad sankadaleman na timplo,

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

1 Saray Arari 13:2

Diad panangonur tod Katawan imay propita, inkuanto, “O altar, altar, onyay inkuan na Katawan: Nianak ed pamilya nen David so sakey a lakin ogaw a manngaran na Josias. Pateyen tod tapew mo ray paparin managlingkur ed saray paganon altar tan mangibabagat irad sika; poolan to met ed tapew mo ray pokel na inaatey a totoo.”

Isaias 34:6

Naames so ispada to na dala tan taba ra a singa dala tan taba na saray nibagat a kordiro tan kanding. Mangibagat so Katawan ed siudad na Bosra; gawaen to ya a pamatey na dakerakel a totoo ed dalin na Edom.

Deuteronomio 13:5

Balet nepeg a pateyen so siopaman a managpatalus na kogip odino siopaman a propitan mangibagad sikayo a sumlangen yoy Katawan ya angipaway ed sikayod Egipto ya akaaripenan yo. Maoges itan a too ta labay to kayon iyarawi ed panagbilay ya ingganggan na Dios a tombuken yo. Nepeg a pateyen pian naandid pegley yo yan kaogsan.

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Exodo 22:19

“Nepeg a pateyen so siopaman a lakin misiping ed ayep.