2 Saray Arari 23:14 - Maung A Balita Biblia

¹⁴ Minekmek nen Ari Josias iray baton lusek, binatang tod sengeg so masanton tiken a nisaklang ed diosan Asera, insan to tinabunan na pokel da ray inaatey so dalin a niletnegan da.

Maung a Balita Biblia

¹⁴ Minekmek nen Ari Josias iray baton lusek, binatang tod sengeg so masanton tiken a nisaklang ed diosan Asera, insan to tinabunan na pokel da ray inaatey so dalin a niletnegan da.

2 Saray Arari 23:14 Referans Kwoze

Deuteronomio 7:5

Kanyan sirin, igeba yo ray altar da, deral yo ray masanton baton lusek da, batang yo ray tanda na diosa ran Asera, tan poolan yo ray talintaoy diriyos da.

Exodo 23:24

Ag kayo ondadakmomo odino mangigagalang ed saray diriyos da, tan ag yo aaligen iray kagagawa rad panangigalang da. Deral yo ray diriyos da tan igeba yo ray masanton lusek da a bato.

2 Saray Arari 23:16

Insan linmingaw-lingaw ed kaliber-liber si Josias, et anengneng to ray pigaran lobuk diad pokdul; impaala toy karga ran pokel, insan to ra pinoolan ed tapew na altar. Diad onya ginawa ton andi-kabaliksan imay altar onung na impasakbay lan abayag na propita nen manalalagey ed abay na altar si Ari Jeroboam legan na pista. Linmingaw-lingaw ed kaliber-liber si Ari Josias, et naimano toy lobuk na samay propita ya angipasakbay ed saya.

Mikias 1:7

Namisimisid kibasig-basig ya amin iray mabmablin talintao to, natemek ed apoy ya amin iray bengatlan niiter ed saray marotak a lalaki tan bibiid timplo, tan nagawan bunton na deral-deral iray imahin to. Amin da ray bengatlan atipon na Samaria lapud impangigalang ed saray diriyos a makapabona, kanyan saray kalaban ibatik da ran amin ed arum a pasen, ta ikana da rad arum a pasen para saray marotak a lalaki tan bibii ed timplo.”

Saray Bilang 33:52

nepeg yon pataynanen iray amin a manaayam diman. Deral yo ray amin a bato tan mital a talintao ra tan amin a pasen a panangigalangan da.

Saray Bilang 19:18

Say sakey a toon malinis onung ed ganggan et mangalay sakey a sangay isopo, idelnet tod samay danum, insan iwalsik tod samay tulda, diad amin a walad dalem to tan amin da ray totoon wadman. Ontan met say sakey a toon malinis onung ed ganggan walsikan toy sakey a toon nandiwit na pokel na inatey odino nandiwit na bangkay odino lobuk.

Saray Bilang 19:16

Magmaliw a marotak a pitoy agew so siopaman a maniwit ed toon pinatey odino inatey a bukor ed paway na ayaman, odino siopaman a maniwit na pokel na inatey odino maniwit na lobuk.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

Isaias 44:19

Saray managgaway talintao et anggapoy pakatalus odino liknaan dan mangikuan, “Namparlangan ko ray arum a kiew. Nanggawaan ko na kanen iray ngalab, tan nankalutan ko na karni insan ko kinan. Say arum ed samay kiew et ginawak a talintaoy dios. Et natan antoy agawak; anta sakey a poter na kiew et nakar kon dadakmomoan!”

Ezekiel 6:5

Itaytayak ko ray bangkay na saray totood Israel; itaytayak kod kaliber-liber na saray altar iray pokepokel da.

2 Saray Arari 18:4

Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.