2 Saray Arari 21:5 - Maung A Balita Biblia

⁵ Diad duaran patio na Timplo nanggawa na saray altar a pangigalangan ed saray bitewen.

Maung a Balita Biblia

⁵ Diad duaran patio na Timplo nanggawa na saray altar a pangigalangan ed saray bitewen.

2 Saray Arari 21:5 Referans Kwoze

1 Saray Arari 7:12

Say patio na palasio, say patiod Timplo, tan say kuarton lolooban ed Timplo et wala ray padir da a walay sidron panuksolan ed tapew na kapag mikatlon baton tinabas.

2 Saray Arari 23:12

Inggeba nen Ari Josias iray altar a ginawad toktok na palasio na saray ararid Juda, tan wala rad tagey na nanayaman nen Ari Acaz. Inggeba to met iray altar a ginawa nen Ari Manases diad duaran patio na Timplo; minekmek to ra, insan to ra imbantak ed Patar na Cedron.

2 Saray Arari 23:4

Insan ingganggan nen Josias so Pangulon Pari a si Helcias, saray mananulong ton papari, tan saray nipasen a guardia ed lolooban na Timplo ya ipaway dad Timplo iray amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin diad paway na siudad diad asingger ed Patar na Cedron, insan to impaiyakar ed Betel so dapul da.

1 Saray Arari 6:36

Nipaalagey ed arap na Timplo so patio; aliber na padir a walay sidron panuksolan ed tapew na kapag mikatlon tinabas a bato.

Ezekiel 44:19

Kasakbayan ya onla rad patiod paway a kawalaan da ray totoo, nepeg a lakseben day kawes dad panlilingkur dad dalem na Timplo, insan da ra itilak ed saray masanton kuarto. Nepeg a mansolung ira na sananey a kawes, pian samay masanton kawes da et ag to napasakitan iray totoo.

Ezekiel 43:5

Inyatagey ak na ispiritu na Katawan, insan to ak inyakar ed samay patiod dalem, a diay akanengnengan kon napno na kagalangan na Katawan so Timplo.

Ezekiel 42:3

Say sakey a dapag to akaarap ed liwang a samplora tan kapalduay mitro so kaawang to tan midasig ed samay Timplo; say sakey a dapag to akaarap ed dalan na samay patiod paway. Taloran grado yan paalagey tan say walad tagey a grado nisener ed gradon walad leksab to.

Ezekiel 40:47

Sinukat na samay laki imay patio ed dalem, et limamplo tan duan kuadrado. Walad bandad sagur so Timplo, tan diad arap to say altar.

Ezekiel 40:37

Akaarap ed patio ed paway so lolooban a kuarto. Nikorti ray kiew a palmira ed saray padir ed paway ya akaarap ira ed lolooban. Waloran balitang so mamaarap ed sayan puirta.

Ezekiel 40:32

Samay laki inlabas to ak ed dalan na puirta ed bokig nen inyakar to ak ed patio ed dalem. Sinukat to may dalan na puirta, et kapara na kabaleg na saray arum.

Ezekiel 40:28

Samay laki inlabas to ak ed dalan na puirtad sagur nen inyakar to ak ed patio ed dalem. Sinukat to may dalan na puirta, et kapara na kabaleg na arum iran puirtad paway na padir.

2 Saray Awaran 33:15

Ineekal tod Timplo iray diriyos na arum a bansa tan samay talintaon inyan tod man nen saman. Ineekal to met iray paganon altar a walad pokdul a panalalageyan na Timplo tan diad saray arum a pasen ed Jerusalem; inyakar tod paway na siudad ira yan ineekal to, insan to ra imbabantak.

2 Saray Awaran 33:5

Diad duaran patio na Timplo nanggawa na saray altar a pangigalangan ed saray bitewen.

2 Saray Arari 23:6

Inekal tod Timplo so masanton tiken a nisaklang ed Asera, impaway tod siudad tan inyakar tod Patar na Cedron, pinoolan to, minekmek to ya anggad nagmaliw a dapul, insan to impokopuk ed kamposantoy karaklan.

2 Saray Arari 23:5

Inekal tod kimey iray kinonsagra na saray ararid Juda a papari a mambagat ed saray paganon altar diad saray siudad na Juda tan diad saray pasen ya asingger ed Jerusalem—amin da ray paparin angibagat ed Baal, agew, bulan, saray planita, tan saray bitewen.

2 Saray Awaran 4:9

Nanggawa met na patio ed dalem a para papari, tan say patio ed paway. Saray kaput da ray puirta ed nanleetan na saramay duaran patio et naokupan ira na gansa.

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.