2 Saray Arari 21:3 - Maung A Balita Biblia

³ Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

Maung a Balita Biblia

³ Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

2 Saray Arari 21:3 Referans Kwoze

2 Saray Arari 18:4

Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

2 Saray Arari 17:16

Ag da inonur ya amin iray ganggan na Katawan a Dios da tan nanggawa ray galangen da a duaran mital a bakan kalakyan; nanggawa ra met na sakey a talintao nen diosan Asera, inggalang da ray bitewen, tan nanlingkur irad dios a Baal.

Deuteronomio 17:3

diad panamegley na pangigagalang tan panlilingkur tod saray diriyos odino diad agew odino diad bulan odino diad saray bitewen, a sumlang ed ganggan na Katawan,

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

Say Libro nen Job 31:26

Ag kon balut inggalang so maliwliwawan agew, odino say marakerakep a bulan.

2 Saray Awaran 34:3

Nen kumawalon taon na panooley nen Ari Josias, nen ogaogaw ni, ginapwan to lan inggalang so Dios na laki ton Ari David. Kayariy apat taon ginapwan ton dinederal iray pasen a panangigalangan na saray pagano, saray tanda na diosan Asera, tan saray arum nin talintaoy diriyos.

2 Saray Awaran 32:12

Sikatoy nandederal ed saray pasen a panangigalangan tan saray altar, insan to imbagad saray totood Juda tan Jerusalem a mangigalang tan mampool ira na insinso ed saksakey ya altar labat.

2 Saray Arari 18:22

Insan inkuan ni na samay sakey ya opisyal na Asiria, “Nayarin ibaga yod siak a manmamatalek kayod Katawan a Dios yo. Balet ag ta dineral nen Ezekias iray altar na Katawan tan saray pasen a panangigalangan ed sikato, insan imbaga tod saray totood Juda tan Jerusalem a diad altar ed Jerusalem labat so pangigalangan da?

2 Saray Arari 8:27

Lapud kanayon tod asawa si Ari Acab, nankasalanan ed Katawan, a singa ginagawa na saray kabyangay pamilya nen Acab.

2 Saray Arari 8:18

Say anak nen Acab so asawa to; inalig toy maoges a panagbilay na saray ararid Israel a singa say pamilya nen Acab. Nankasalanan ed Katawan,

1 Saray Arari 18:26

Inala da may bakan niiter ed sikara, imparaan da, tan nampikasi rad kinen Baal ya anggad kaagewan. Ineyag da, “Ebatan mo kami pa, Baal!” tan nansayaw-sayaw irad kaliber-liber na altar a ginawa ra. Balet anggapoy ebat a naalagar da.

1 Saray Arari 18:21

Linmay Elias ed saray totoo tan kuanto, “Kapigay pangipasakey yod kanunotan yo? No Dios so Katawan, sikatoy igalang yo; no Dios si Baal, sikatoy igalang yo!” Balet ag inmesel iray totoo.

Deuteronomio 16:21

“No manggawa kayo na altar a para Katawan a Dios yo, ag yo iyaabay so kiew a tanda na diosan Asera.

Deuteronomio 17:2

“No walay nadngelan yon balita a diad sakey ed saray baley yo et walay laki odino bii a nankasalanan ed Katawan a Dios yo tan dineral toy impisipanan na Katawan

Deuteronomio 20:18

Patey yo ra, pian ag da kayo tanggoyuren a mankasalanan ed Katawan diad pambangat dad sikayon manggawa na saray amin a makapaingongot a gagawaen da diad panangigalang dad saray diriyos da.

Jeremias 7:30

“Nanggawa na sakey a kaogsan iray totoo ed Juda. Inyan dad dalem na Timplok iray karimdimlak a talintaoy diriyos da, kanyan dinotakan da.

2 Saray Arari 13:6

Balet ag da inkaindan iray kasalanan ya angilagyatan nen Ari Jeroboam ed Israel, no ag ta intuloy day nankakasalanan; nansiansiad Samaria so talintao nen diosan Asera.

Isaias 65:11

“Balet nidomay kasumpalan yo, sikayon mangikakaindan ed siak, mangililingwan ed Sion a masanton palandey ko, tan mangigagalang ed Gad tan Meni a diriyos na kapalaran tan pansumpalan.