2 Saray Arari 20:8 - Maung A Balita Biblia

⁸ Tinepet nen Ari Ezekias, “Antoy pakapatnagan a paabigen ak na Katawan tan diad kumatlon agew et makakar ak ed Timplo?”

Maung a Balita Biblia

⁸ Tinepet nen Ari Ezekias, Antoy pakapatnagan a paabigen ak na Katawan tan diad kumatlon agew et makakar ak ed Timplo?

2 Saray Arari 20:8 Referans Kwoze

Isaias 7:11

“Kerew mod Katawan a Dios mo ya itdan to kay sakey a tanda. Nayarin manlapud pasen a panaayaman da ray inaatey itan a tanda odino manlapud tagey ed tawen.”

Saray Huis 6:17

Inmebat si Gedeon, “No tuan inaro mo ak, ipanengneng mod siak so pakapatnagan a sikan tuay Katawan.

Oseas 6:2

Diad loob na duara odino taloran agew pabilayen to itayo, tan mambilay itayod arap to.

2 Saray Arari 20:5

ya ompawil ed kinen Ezekias, say manoley na totoo na Katawan, ta ikuantod sikato, “Say Katawan kuantod sika: Siak, say Katawan a Dios na lakim a David, et nadngel koy pikakasim tan anengneng koy interter na luam. Paabigen ta ka, tan diad kumatlon agew onla kad Timplo.

2 Saray Arari 19:29

Insan inkuanen Isaias ed kinen Ezekias, “Niay sakey a pakapatnagan ed sakey a nagawa. Diad sayan taon tan diad ontombuk a taon, bungay tanaman a balang labat so naakan yo, balet diad onsoblay a taon nayarian yo lay mantanem na saray trigo tan naani yo, tan makapantanem kayo met na ubas tan makapangan kayo na bunga ra.

Isaias 38:22

Tinepet nen Ari Ezekias, “Antoy pakapatnagan a mamaneknek a makaonla ak ed Timplo?”

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Lucas 2:12

Say pakabirbiran yo onya: naalmo yoy sakey ya ogaw a binalkut ed lamping tan akarokul ed atotung.”

Lucas 18:10

“Walay duaran totoo a linmoob ed Timplo a mampikasi. Sakey so Pariseo, sakey so sumisingil na buis.

2 Saray Arari 20:7

Insan imbaga nen Isaias ed ari a tapalan toy pinitpit a bungay igos so pelsa to, pian onabig.

2 Saray Arari 20:9

Inmebat si Isaias, “Itdan ka na Katawan na pakapatnagan a sumpalen toy sipan to. Antoy labay mo, paonaen ko na samploran balitang so anino ed takayan, odino paseneren ko na samplora?”

Isaias 38:21

Insan imbaga nen Isaias ed ari a tapalan toy pinitpit a bungay igos so pelsa to, pian onabig.

Genesis 15:8

Balet tinepet nen Abram, “Katawan a DIOS, panoy pakaamtak a nakayaryan ko yan dalin?”