2 Saray Arari 2:3 - Maung A Balita Biblia

³ Linmad kinen Eliseo so sakey a grupo na saray propita a manaayam diman tan kuandad sikato, “Amtam a diad sayan agew et alaen ed sika na Katawan so amom?” “On, amtak,” ebat nen Eliseo. “Balet ag tayo la tan pantongtongan.”

Maung a Balita Biblia

³ Linmad kinen Eliseo so sakey a grupo na saray propita a manaayam diman tan kuandad sikato, Amtam a diad sayan agew et alaen ed sika na Katawan so amom? On, amtak, ebat nen Eliseo. Balet ag tayo la tan pantongtongan.

2 Saray Arari 2:3 Referans Kwoze

2 Saray Arari 4:38

Aminsan ya agew nen dinmalay eras ed intiron bansa, pinmawil ed Gilgal si Eliseo. Legan ton babangatan iray propita, imbaga tod samay aripen to a mangitoon na baleg a sayap, ta ilutoan to ray kanen da.

2 Saray Arari 4:1

Linmad kinen Eliseo so sakey a biin balo na sakey a kabyangan na grupo da ray propita tan kuanto, “Inatey lay asawak! Amta yo met la a walay takot tod Dios imay asawak, balet linmad siak so lakin akautangan to, ta aalaen ton aripenen iray duaran lalakin anak ko a pinagkabayar na utang na asawak.”

2 Saray Arari 9:1

Legan to ya, tinawag nen propita Eliseo so sakey ed saray malangwer a propita tan kuantod sikato, “Mamparaan ka, ta lakad Ramot-galaad. Awit mo yay sakey a garapon a larak na oliba,

1 Saray Arari 20:35

Lapud ganggan na Katawan, say sakey a kabyangay grupo na saray propita ingganggan toy sakey a kapara ton propita, “Kabil mo ak!” Balet ag to kinabil.

Saray Gawgawa 22:3

“Sakey ak a Judio, nianak ak ed Tarso ed Cilicia, balet dia ak binmaleg ed Jerusalem. Nanaral ak ed kinen Gamaliel, tan malet so inkabangat kod Ganggan da ray lalaki tayo. Maseseg so impanlilingkur kod Dios, a singa gagawaen yon amin a wadya natan.

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.

2 Saray Arari 5:22

“Anggapo,” ebat nen Giezi. “Balet impaabot ka na amok, ta labay ton paibagad sika a kasabsabi na duaran kabyangan na grupo na saray propita ed pokdul na Efraim, et itdan mo kono na talon libon pilak tan duaran sankaabigan a kawes.”

2 Saray Arari 2:15

Anengneng na saramay limamplon propita a nanlapud Jerico si Elias tan kuanda, “Walad kinen Eliseo so pakayari nen Elias!” Nila ran inabet, dinmakmomo rad arap to

2 Saray Arari 2:7

tan limamplon propitay tinmombuk ed sikara ya anggad Jordan. Tinmondad gilig na ilog si Elias tan si Eliseo, balet nanalagey ed bandad arawiy daiset ira may limamplon propita.

2 Saray Arari 2:5

Linmad kinen Eliseo so sakey a grupo na saray propita a manaayam diman tan kuandad sikato, “Amtam a diad sayan agew et alaen ed sika na Katawan so amom?” “On, amtak,” ebat nen Eliseo. “Balet ag tayo la tan pantongtongan.”

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Samuel 19:20

kanyan angibakiy pigaran lalaki a mangalad sikato. Anengneng na sarayan imbaki so grupo na saray propita a mansasayaw-sayaw tan maneeyag-eyag; si Samuel so pangulo ra. Linmoob ed sikaray ispiritu na Dios, tan ginapwan da met so mansayaw-sayaw tan maneyag-eyag.

Deuteronomio 33:3

Inaro na Katawan iray totoo to tan iyaagel to ray totoon kayaryan to. Kanyan ondakmomo itayod saliyan to tan onuren tayo ray ganggan to.

1 Samuel 10:5

Insan ka onla ed Pokdul na Dios diad Gabaa a kawalaay sakey a kampo da ray Filisteo. Kaloob mod baley, naabet moy sakey ya olup na saray propita ya onleleksab iran nanlapu ed altar a walad toktok na pokdul. Manotogtog ira na saray arpa, tambul, plauta, tan saray saltirio. Mansayaw-sayaw tan maneeyag-eyag ira.

2 Saray Arari 6:1

Say grupo na saray propita ya ipapangulo nen Eliseo inkuandad sikato, “Melmelag yay panaayaman tayo!

Amos 7:14

Inmebat si Amos, “Aliwa ak a propita odino anak na propita. Managkomponi ak na saray karniro, tan managasikasod ak na kakiewan na igos.