2 Saray Arari 2:24 - Maung A Balita Biblia

²⁴ Nilingaw to ra, minoldagatan to ra, tan insamba to rad ngaran na Katawan. Kabebekta pinmaway ed takel so duaran uso a kabatyan tan binibingkas day apataplo tan dua ed saramay ogogaw a lalaki.

Maung a Balita Biblia

²⁴ Nilingaw to ra, minoldagatan to ra, tan insamba to rad ngaran na Katawan. Kabebekta pinmaway ed takel so duaran uso a kabatyan tan binibingkas day apataplo tan dua ed saramay ogogaw a lalaki.

2 Saray Arari 2:24 Referans Kwoze

Saray Gawgawa 5:9

Inkuanen Pedro, “Akin et nankasakeyan yon sanasawa a suboken so Ispiritu na Katawan? Saray babalolaki ya angipompon ed asawam wadtan la rad puirta. Onsoblay ka met ya awiten dan ipaway!”

Saray Gawgawa 5:5

Kadngel nen Ananias ed saya, atumba tan inatey. Sinmabiy baleg a takot ed amin ya akadngel ed saya.

Amos 7:17

Lapud saya, Amasia, say Katawan kuantod sika. ‘Magmaliw a marotak a bii ed siudad so asawam tan napatey ed bakal iray anak mo. Naapag-apag so dalin mo tan niiter irad saray arum a totoo, tan napatey kad bansa da ray pagano. Andi-saew a saray totood Israel et naala rad dilin bansa ra tan nibantak irad arum a bansa.’”

Oseas 13:8

Dogpaan ta kayo a singa sakey ya uson imbatik da ray anak to, tan wabwaben ko ray pagew yo. Singa ak lion a buagen ta kayod kawalaan yo, tan singa ak ayep ed katakelan a mamingbingkas ed sikayo.

Saray Gawgawa 8:20

Balet inmebat si Pedro, “Naderal ka komun tan say kuartam, ta abaloan mon nasaliw na kuarta so panangaroy Dios!

Marcos 11:21

Anunotan nen Pedro may agawa tan inkuanto, “Katawan, nengneng mo, inatey imay igos ya insambam!”

Marcos 11:14

Inkuanen Jesus ed samay kiew ya igos, “Anggapo lan balut so mangay bungam!” Nadngel ya na saray disipulo to.

Saray Tagleey 3:65

Isambam pa ra tan itdan mo pa ra na anawet a puso!

Jeremias 28:16

Kanyan, ibabagay Katawan a paandipaten to ka. Ompatey kad sayan taon, ta imbagam ed saray totoo ya onlaban irad Katawan.”

1 Saray Arari 20:36

Kanyan inkuantod sikato, “Lapud ag mo inonur so ganggan na Katawan, pateyen ka na lion kataynan mo dia.” Kataynan to may propita, sinabat tan pinatey na lion.

1 Saray Arari 19:17

Siopamay ag napatey nen Hazael pateyen nen Jehu, tan siopamay ag napatey nen Jehu pateyen nen Eliseo.

1 Saray Arari 13:24

Linma la may propitan taga Juda, tan diad dalan inabet na lion tan pinatey da. Abaktar ed dalan so bangkay na samay propita, tan nanalagey ed abay to imay asno tan samay lion.

2 Samuel 17:8

Amtam a si amam a David tan saray totoo to et maung iran mibakal; masebeg iran singa uson kabatyan ya imbatik iray anak to. Likud nid saya, abayag lan mibabakal si amam, kanyan no labi ag onoogip a kaiba to ray totoo to.

Saray Huis 9:57

Impanirap met na Dios iray totood Sikem lapud kaogsan da, onung na impangisambad sikara nen Jotam a lakin anak nen Gedeon.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Genesis 9:25

inkuanto, “Nisamba komuy Canaan! Magmaliw ya aripen na saray agagi to.

2 CORINTO 10:6

No nagnap lay inkatoor yo, akaparaan kami lad satan a manusad anggad anton panagsumlang.

Probirbio 28:15

Pakaskasi ray mairap-bilay ed silong na maoges a manoley; aliling toy mangwam a lion odino liber-liber ya aso.

Probirbio 17:12

Magmaung niy makasabat na uson imbatik da ray anak to nen say makasabat na toon makulang-kulang a walay getma ton maoges a gawaen.

Saray Huis 9:20

Balet no andi, ompugso komun so manliub ya apoy a manlapud kinen Abimelec tan poolan to ray totood Sikem tan Bet-millo. Ompugso met komun so manliub ya apoy a manlapud Sikem tan Bet-millo tan poolan toy Abimelec.”

2 Saray Arari 2:25

Manlapud man tinmuloy ed Palandey na Carmelo si Eliseo, insan pinmawil ed Samaria.

Levitico 26:22

Mangibaki ak ed sikayo na saray masebeg ya ayayep ed takel, tan pateyen da ray anak yo, deralen da ray baka yo, tan lapud dagdaiset ed sikayo so ikera ra magmaliw a begtebegtew iray dalan yo.

Probirbio 19:29

Andi-saew a nabakbak iray mapaatagey a makulang-kulang.