2 Saray Arari 2:23 - Maung A Balita Biblia

²³ Tinmaynan ed Jerico si Eliseo, ta onlad Betel, tan diad dalan inabet na pigaran ogogaw a lalakin taga baley tan niluludlurey da. “Taynan ka dia, sikan yangyangan!” ineeyag da.

Maung a Balita Biblia

²³ Tinmaynan ed Jerico si Eliseo, ta onlad Betel, tan diad dalan inabet na pigaran ogogaw a lalakin taga baley tan niluludlurey da. Taynan ka dia, sikan yangyangan! ineeyag da.

2 Saray Arari 2:23 Referans Kwoze

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Say Libro nen Job 30:1

Balet saray malangwer nen say siak a lalaki luludlureyen da ak natan! Andi kakanaan iray kaamaan da, kanyan ag ko ra labay ya anggan pangibaen ed saray asok a mangguardiad saray karniro.

Say Libro nen Job 19:18

Balbalawen ak na saray ogogaw tan elek-elekan da ak no nanengneng da ak.

Saray Salmo 31:18

Patondam pa lan pansasalitaen iray matitila— amin da ray malalastug tan mapaatagey a mansasalitay pamabaing nipaakar ed saray totoon matonung.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.

TAGA GALACIA 4:29

No panoy impamapairap nen saman na inanak onung ed panaganak na karaklan ed inanak onung ed Ispiritu na Dios, ontan met natan.

Amos 7:13

Ag ka la dia mampropropisiya ed Betel. Sikato yay pasen a panangigalangan na ari, say timplo ed intiron bansa.”

Amos 5:5

Ag kayo oonlan mangigalang ed Beer-seba. Ag yo ak aanapen ed Betel, ta anggapoy pansumpalan na Betel. Ag kayo oonlad Gilgal, ta pangaskasiyan a nibantak ed arum a bansa iray totoo to.”

Amos 4:4

Say Katawan a Dios kuanto, “No tuan ag kayo napatonda, laka yod masanton pasen ed Betel, sikayo ran totood Israel, ta mankasalanan kayo! Laka yod Gilgal tan mankasalanan kayo ed anggaay nayarian yo! Mangawit kayo na saray ayayep ya ibagat yon kinabwasan, tan iyakar yon kapag mikatlon agew iray kakaplo yo.

Amos 3:14

“Diad agew a dusaen ko ray totood Israel lapud saray kasalanan da, deralen ko ray altar ed Betel. Napoter iray suyok na balang altar tan napelag irad dalin.

Oseas 10:15

Ontan met so nagawad sikayon totood Betel, lapud saray makapasinagem a kaogsan a ginagawa yo. Diad igapo na bakal, ompatey so ari na Israel.”

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Jeremias 7:18

Saray ogogaw mantitipon ira na kiew ya itotongo, saray totoon baleg a lalaki et mamaparlang ira, tan saray bibii manmamasa ra na gawaen dan kanen a para diosan tatawagen da na Riyna na Tawen. Angisaklang met ira na saray bagat ya iinomen ed saray arum a diriyos, pian napasakitan da ak.

Isaias 3:5

Mampapairapan tan manlalamesan so balang sakey ed sikara. Saray tobun-balo ag da pagalangan iray pangulowan da, tan saray andi-kakanaan a totoo ag da italtalek iray walad pakaoley.

Isaias 1:4

Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Ecclesiastes 11:10

Ag yo aabuloyan a gunigonen kayo na antokaman odino panliknaen to kayoy kairapan, ta aliwan mabayag so kiwala yo ed kalangweran.

Probirbio 22:15

Inkatoo na saray ogogaw so panggawa ray aliwaliwa tan andi-kakanaan, balet say lewet a pametek ed sikara pagmaliwen to ran makalakal.

Probirbio 22:6

Ibangat mod ogaw no panoy pambilay to, et ag to nalingwanan legan ton mambilay.

Probirbio 20:11

Anggan say ogaw ipapanengneng toy inkasikato diad panamegley na saray gawgawa to; nibagam no sikato kasi et matwa tan maung.

Saray Salmo 35:15

Balet nen maniirap ak, makaliliket ira tan niliktub da ak a ludlureyen; kinabil ak na saray totoon ag ko kabat tan ag da ak tinondaan a pinairap.

Genesis 21:9

Aminsan ya agew si Ismael a lakin anak nen Agar ya Egipsia ed kinen Abraham et migagalaw ed kinen Isaac ya anak nen Sara.

2 Saray Arari 2:11

Intuloy day pantotongtong da legan dan manaakar, insan kabebekta linmeet ed sikaray karwahin apoy a bibiraen na saray kabayon apoy, tan say alimbusabos inyakar tod tawen si Elias.

Levitico 13:40

No say sakey a too et ayangyangan ed beneg na olo to odino diad arap na olo to, sikatoy aliwan marotak no ag ta yangyangan labat.

2 Saray Arari 2:22

Nanlapud saman nagmaliw a masamit imay danum, onung na nagawan imbaga nen Eliseo.

Saray Salmo 31:17

Ontatawag ak ed sika, Katawan; ag mo pa iyaabuloy a napelag ak ed kababaingan. Saray maoges komun so napelag ed kababaingan; nakalkalnaan ira komun a nibaki ed panaayaman da ray inaatey.

2 Saray Arari 2:2

nen wala rad dalan inkuanen Elias ed kinen Eliseo, “Tilak ka dia, ta ingganggan na Katawan ya onla ak ed Betel.” Balet inmebat si Eliseo, “Sambaan ko diad inkatoor kod mabilay a Katawan tan diad sika ya ag ta ka sianan.” Kanyan linma ran dua ed Betel.

Jeremias 20:7

Katawan, pinalikdo mo ak, tan siak so apalikdo. Mabiskeg ka ni nen say siak, kanyan tinalo mo ak. Luludlureyen ak na balang sakey; eelek-elekan da ak lawas.

Jeremias 20:8

Kapag mansalita ak, manakis ak, tan iyeyag ko, “Duksa! Deral!” Katawan, siak lawas so naluludlurey tan nababalaw-balaw, lapud ibabawag koy salitam.