2 Saray Arari 2:13 - Maung A Balita Biblia

¹³ Insan to dinokdok so kolibemben a naplag a nanlapud laman nen Elias, pinmoliktar tan nanalagey ed gilig na Ilog na Jordan.

Maung a Balita Biblia

¹³ Insan to dinokdok so kolibemben a naplag a nanlapud laman nen Elias, pinmoliktar tan nanalagey ed gilig na Ilog na Jordan.

2 Saray Arari 2:13 Referans Kwoze

1 Saray Arari 19:19

Tinmaynan si Elias, insan asabi toy Eliseo a mambabaka a kaiba toy olup na pigaran baka; walad onaan to ray labinsakey ya olup, tan pambabaka toy mikalabinduan olup. Sininggeran nen Elias, insan to inkolibemben ed kinen Eliseo so kolibemben to.

1 Saray Arari 9:26

Nanggawa met si Solomon na amayamay a barko diad Ezion-geber ya asingger ed Elot diad gilig na Dayat na Akaba tan sakop na dalin na Edom.

2 Saray Arari 2:8

Inekal nen Elias so kolibemben to, nilokut to, insan impaspas tod danum; apaldua so danum, insan dinmalan iran dua nen Eliseo ed amagan dalin nen binmasil ira.

Saray Hebreo 11:37

Wala rad sikaray tinutupak, wala ray impankadwan nilagari, tan saray arum pinatey da rad ispada. Nanakar-akar iran sikakawes na katat na karniro odino kanding; mairap-bilay ira, pinapairap tan pinapabaingan da ra.

2 Saray Arari 2:12

Anengneng nen Eliseo so agawa tan ineyag tod kinen Elias, “Ama, ama! Makapanyarin manangyagel na Israel!” Insan ag to la anengneng a balut si Elias. Diad ermen nen Eliseo, pinilat ton nankadwa so kolibemben to.

2 Saray Arari 2:14

Impaspas tod danum imay kolibemben nen Elias tan kuanto, “Kawalaan na Katawan, say Dios nen Elias?” Pinaspas to lamet so danum, et abelsay, kanyan nanakar ya anggad basil na ilog.

1 Samuel 28:14

“Antoy nengneng to ey?” tepet nen Saul. “Sakey a masiken so ompapaway,” ebat to. “Akakolibemben.” Insan naamtaan nen Saul a si Samuel iman a tua, kanyan dinmakmomo ya anggad dalin a pamagalang to.