2 Saray Arari 19:37 - Maung A Balita Biblia

³⁷ Aminsan ya agew, nen mangigagalang si Senakerib ed dalem na timplo na dios ton Nisroc, saray duaran anak ton lalaki a di Adramelec tan Sarezer, pinatey dad ispada, insan batik irad dalin na Ararat. Sakey ed saray anak to a si Esarhadon so sinmalat ed sikaton nanoley.

Maung a Balita Biblia

³⁷ Aminsan ya agew, nen mangigagalang si Senakerib ed dalem na timplo na dios ton Nisroc, saray duaran anak ton lalaki a di Adramelec tan Sarezer, pinatey dad ispada, insan batik irad dalin na Ararat. Sakey ed saray anak to a si Esarhadon so sinmalat ed sikaton nanoley.

2 Saray Arari 19:37 Referans Kwoze

Esdras 4:2

Kanyan linma rad kinen Zorobabel tan saray pangulo da ray boleg tan kuanda, “Ibaan mi kayo a mangipaalagey na Timplo. Igagalang miy Dios ya igagalang yo tan mangibabagat kamid sikato nanlapu lad samay panaon ya imbaki kami nen Impirador Esar-hadon na Asiria, a manayam dia.”

Genesis 8:4

Diad kumalabimpiton agew na kumapiton bulan, sinmarsar ed palandey na Ararat imay biong.

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

2 Saray Arari 19:7

Parengelan na Katawan so impirador na balbalitan makasengeg na pawilan tod dilin bansa to, tan diman papatey na Katawan.”

2 Saray Awaran 32:21

Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

2 Saray Awaran 32:19

Diad panagsalita ra impara ray Dios na Jerusalem ed saray diriyos na arum a totoo, saray talintaoy diriyos a ginagawa na limay too.

2 Saray Awaran 32:14

Ayarian ta na saray diriyos na arum a bansa ya inyagel ed sikami so bansa ra? Anto sirin so ipapangaya yon niagel kayo na dios yo?

2 Saray Arari 19:10

na Juda, tan inkuantod sulat to, “Ag ka palilingod imbaga na dios a panmamatalkan mo ya ag ka napelag ed silong na pakaoley ko.

2 Saray Arari 18:30

Ag yo aabuloyan a tangoyuren to kayon manmatalek ed Katawan. Ag yo komun nununoten ya iyagel kayo na Katawan tan ag to abuloyan a dakepen na saray sondalo na Asiria so siudad yo.

2 Saray Arari 18:5

Nanmatalek ed Katawan a Dios na Israel si Ezekias; say Juda ag awalaan na arin singa sikato, anggan saray ararin akaona o tinmombuk ed sikato.

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.

2 Saray Arari 17:31

saray talintao nen Nibhaz tan Tartac iray taga Iva; tan saray taga Sefarvaim insasaklang dan bagat a popoolan iray anak da diad saray diriyos dan Adramelec tan Anamelec.

2 Saray Arari 19:17

Amta min amin, Katawan, a dinederal na saray impirador na Asiria so amayamay a bansa, ginagawa ran andi-kabaliksan iray dalin da,

2 Saray Arari 19:31

Wala ray mansiansian mabilay a totood Jerusalem tan diad Palandey na Sion, ta ginetma la na Dios a gawaen to yan andi-saew.