2 Saray Arari 19:28 - Maung A Balita Biblia

²⁸ Naawat koy pakabat a nipaakar ed satan a pamapasnuk mo tan satan a panagpaatagey mo, kanyan natan inan koy patili so eleng mo tan pakalat so sangim, tan papawilen ta kad dalan a nanlapwan mo.”

Maung a Balita Biblia

²⁸ Naawat koy pakabat a nipaakar ed satan a pamapasnuk mo tan satan a panagpaatagey mo, kanyan natan inan koy patili so eleng mo tan pakalat so sangim, tan papawilen ta kad dalan a nanlapwan mo.

2 Saray Arari 19:28 Referans Kwoze

Ezekiel 29:4

Tagaan ko so sangim tan papeketen kod sika ray sira ed ilog mo. Insan ta ka isakbit ed pandel na ilog, pati saray amin a siran akapeket ed sika.

2 Saray Arari 19:33

Ompawil ed dinalan to, tan ag to looban yan siudad. Siak a Katawan, so nansalita.

Amos 4:2

Diad inkatonung na Katawan a Dios insipan to, “Onsabi ray agew a gayugoyen da kayon amin a singa siran atagaan.

Ezekiel 38:4

Papoliktaren ko, insan ko tagaan so songut to, tan igayugoy kon iyarawi a pati amin a sondalo to. Sarayan sondalo ton amayamay a kaiba ray kabayo ra et akasamper tan akaispada so balang sakey ed sikara tan wala ray akakabayo a nampaparay kawes dan para bakal.

Isaias 30:28

Ibabaki toy walad arap ton dagem a singa delap a mangyaanur ed amin a bengatla. Ipapalanas ton deralen iray bansa tan patotondaen to ray maoges a plano ra.

Say Libro nen Job 41:2

Nadeyeng mo na lobir so eleng to odino natagam so sangi to?

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Juan 15:18

“No bosulen kayoy sankamundoan, nepeg yon nunoten a binosul ta ak ya inmona.

Lucas 6:11

Mapalaloy pasnuk da ra may iskriba tan Pariseo. Nantotongtongan da no antoy gawaen dad kinen Jesus.

Ezekiel 19:9

Inkarga ra ed sakey a kolungan tan inyakar da ed ari na Babilonia. Impokuk da insan da impabantayan, pian ag lan balut narengel ed kapokdulan na Israel so pangwam to.

Saray Salmo 83:2

Nengneng mo! Manggogolo ray kalaban mo tan onsusumpa ray mamobosul ed sika.

Saray Salmo 74:23

Ag mo pa lilingwanan so paneeyag da ray kalaban mo, say ag manondan paniingal da ray kalaban mo.

Saray Salmo 74:4

Naneyag ed Timplom iray kalaban mo lapud impanalo ra; inlira dad man iray bandira ra a tanday impanalo ra.

Saray Salmo 65:7

Patotondaen moy ungol da ray dayat tan say ungol da ray daluyon; parereenen moy golo da ray katoowan.

Saray Salmo 46:6

Natatakot iray bansa, nagogolo ray nanarian; oneeyag so Dios, et natotonaw so sankamundoan.

Saray Salmo 32:9

Ag yo aaligen so anggapoy kalakal a kabayo o mulo, a pakalatan tan rindaan pian napatoluk.”

Saray Salmo 7:6

Alagey ka lapud pasnuk mo, O Katawan! Talindeg ka sumpad sebeg da ray kalaban ko; bangon ka pa tan tulongan mo ak! Katonungan so labay mon nagawa,

2 Saray Arari 19:7

Parengelan na Katawan so impirador na balbalitan makasengeg na pawilan tod dilin bansa to, tan diman papatey na Katawan.”

Say Libro nen Job 41:13

Anggapoy makaekal na walad tapew a kawes to; anggapo met so makatorok ed kawes a para bakal ya akasolung ed sikato.

Ezekiel 35:13

Nadngel koy mapalalon mapaatagey ya impansasalitam sumpad siak.”