2 Saray Arari 19:25 - Maung A Balita Biblia

²⁵ “Ag mo ta ni nadngelan ya abayag ko la yan ginetma? Susumpalen ko la ya natan. Initdan ta kay pakayari a napagmaliw mon bontun na deral-deral iray aliber na padir a siudad.

Maung a Balita Biblia

²⁵ Ag mo ta ni nadngelan ya abayag ko la yan ginetma? Susumpalen ko la ya natan. Initdan ta kay pakayari a napagmaliw mon bontun na deral-deral iray aliber na padir a siudad.

2 Saray Arari 19:25 Referans Kwoze

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Isaias 54:16

“Pinalsak so pumapanday a mampaparlang na apoy tan mamipitpit na saray gawaen ya armas. Pinalsak met iray sondalo, a mangikakana na saray armas a pamatey.

Isaias 10:15

Balet say Katawan kuanto, “Nayari kasin ipasirayew na wasay a matalonggaring ni nen say mangiwawasay ed sikato? Odino say ligari nen say mangililigarid sikato? Say bastun ag to lilibiten so too, no ag ingen say too so manlilibit ed bastun.”

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Saray Salmo 33:11

Balet mansiansian anggad angga iray plano na Katawan; ando lan andon mansiansia iray getma to.

Mikias 1:6

Kanyan say Katawan kuanto, “Pagmaliwen ko a bunton na deral-deral so Samaria diad maawang a kaumaan, say pasen a taneman na saray ubas. Ibalasobus kod patar iray aderal-deral ed siudad tan paolyan kon kipaway-paway iray pundasion na siudad.

Isaias 45:8

Mangiter ak na pananalon singa oran a manlapud tawen; onsangiy dalin a mangawat ed oran et manrosas na kilalaban tan inkatonung. Siak, say Katawan, so mangyabuloy a nagawa ya.”