2 Saray Arari 18:8 - Maung A Balita Biblia

⁸ Tinalo to ray Filisteo tan nilooban ton amin iray kawalaan da manlapud sankamelagan a bario ya anggad sankabalgan a siudad, pati say Gaza tan saray kaliber-liber to ran lugar.

Maung a Balita Biblia

⁸ Tinalo to ray Filisteo tan nilooban ton amin iray kawalaan da manlapud sankamelagan a bario ya anggad sankabalgan a siudad, pati say Gaza tan saray keliber-liber to ran lugar.

2 Saray Arari 18:8 Referans Kwoze

Isaias 14:29

Totood Filistia, apoter so bastun ya amekpek ed sikayo, balet ag yo ya nepeg a panliketan. No ompatey so sakey ya oleg, onsalat so lalon maoges nen say sikato. Ompusnak so mantikyab a dragon ya iknul na oleg.

2 Saray Arari 17:9

Ginagawa na saray Israelita iray bengatlan ag labay na Katawan. Nanggagawa ray paganon pasen a panangigalangan diad amin a baley da, manlapud sankamelagan a bario ya anggad sankabalgan a siudad.

2 Saray Awaran 28:18

Legan to ya, dodogpaan met na saray Filisteo iray baley ed saray alusadsar diad sagur tan diad abalaten na Juda. Adakep da ray siudad na Bet-semes, Ayalon, Gederot, Soco, Timna, tan Gimzo a pati saray bario ra, tan nanayaman da ra yan pasen.

Isaias 5:2

Binukalkal to may dalin tan inekalan to na bato; tinaneman to na sankaabigan iran wakal na ubas. Angipaalagey na tori a panagbantayan, insan angotkot na abut a panaggatinan na ubas. Inalagar ton aloto ray bungay ubas, balet anakseng iran amin.

2 Saray Awaran 26:10

Nampapaalagey met na saray aliber na padir a tori diad kaalogan, tan nampapakotkot na amayamay a bobun, lapud amayamay iray ayayep to ed saray alusadsar tan saray patar ed bokig. Lapud maliket ed panagtanaman, tinanggoyur to ray totoon mantanem ira na ubas tan saray arum nin tanaman diad saray kapokdulan tan diad saray mataban dalin.

1 Saray Awaran 4:41

Diad panaon nen Ezekias ya arid Juda, linmad Gerar iray lalakin asalita la. Dinederal da ray tulda tan pinapatey da ray Meunim ya asabian dad man. Nansiansia rad man a nanayam, lapud walay pangipastolan dad saray karniro ra.

Deuteronomio 2:23

Say dalin a gilig na dayat na Mediteraneo et nanayaman na saray totoon taga isla na Creta. Dineral da ray Avvim a totoon gendat a manaayam ed sayan pasen tan inala day amin a dalin da ya anggad baybay diad siudad na Gaza.)

Josue 15:47

Wala met ni ra so siudad dan Asdod tan Gaza, a pati saray baley tan saray bario ra, a nasabi ra so kolus ed ketegan na Egipto tan say gilig na Dayat na Mediteraneo.

1 Saray Arari 5:4

Balet, natan, initdan ak na Katawan a Dios ko na kareenan ed inerman a pasen a sakop na nanarian ko. Anggapo la ray kalaban ko tan anggapo lay kaatapan a nepeg kon takotan.