2 Saray Arari 18:7 - Maung A Balita Biblia

⁷ Kanyan walad sikatoy Katawan, tan inmaligwas ed antokaman a ginawa to. Nilabanan toy impirador na Asiria tan ag sinmuko ed sikato.

Maung a Balita Biblia

⁷ Kanyan walad sikatoy Katawan, tan inmaligwas ed antokaman a ginawa to. Nilabanan toy impirador na Asiria tan ag sinmuko ed sikato.

2 Saray Arari 18:7 Referans Kwoze

2 Saray Arari 16:7

Angibakiy Acaz na totoo ed kinen Tiglat-pileser ya impirador na Asiria, tan impaikuanto: “Siak so matoor ya aripen mo. Dago mo ak pa, ta iyagel mo ak ed saray ararid Siria tan Israel ya ondodogpad siak.”

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Saray Salmo 60:12

Lapud tulong na Dios, manalo kami; taloen to ray kalaban mi.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

2 Saray Awaran 32:30

Si Ari Ezekias so anara na papawayan na Sobul na Gihon, insan to impaarap ya onagos ya anggad sakey a pasen ed dalem na saray padir na Jerusalem. Inmaligwas si Ezekias ed amin da ray ginagawa to.

2 Saray Awaran 31:21

Maaligwas si Ezekias, lapud antokaman a ginagawa to nipaakar ed Timplo odino pangonur tod Ganggan, ginagawa to lapud masimoon ya inkatoor tan panangaro tod Dios to.

1 Samuel 18:14

tan maaligwas ed amin a ginawa to, ta walad sikato so Katawan.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

2 Saray Arari 18:20

Inkuanto, “Abaloan yo amon naala na saray salita so pasen na talonggaring tan biskeg na saray sondalo? Siopay ilaloan yon ontulong ed sikad ilaban yod Asiria?

1 Samuel 18:5

Si David analo ed amin a bakal ya angibakian nen Saul ed sikato, kanyan ginawa nen Saul a sakey ya opisyal na saray sondalo to. Akapaliket ya ed saray totoo nen Saul tan saray opisyal to.

2 Samuel 8:6

Insan nankampod Damasco iray sondalo to; saray tagad man nagmaliw iran walad silong na pakaoley to, kanyan nambabayar iray buis ed sikato. Impanalo na Dios si David ed anggan iner a pasen.

Genesis 21:22

Diad saman a panaon inawit nen Abimelec si Ficol a pangulo na saray sondalo to, linma rad kinen Abraham tan inkuanen Abimelec, “Walad sikay Dios ed antokaman a gagawaen mo.

2 Samuel 8:14

Nankampod nandoroman lugar na Edom iray sondalo to, kanyan nagmaliw a walad silong na pakaoley to ray tagad man. Impanatalo na Katawan si David ed anggan iner a pasen.

2 Saray Arari 18:14

Angibakiy Ezekias na pigaran totoo ed kinen Senakerib a walad Lakis tan impaikuanto: “Nanggawa ak na makapoy; tondaan mo pa lay idodogpam, ta iter kod sikay anggan anton labay mo.” Imbaga nen impirador ya itdan nen Ezekias na samploran toniladan pilak tan sakey a toniladan balituk.

Isaias 33:6

tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

Isaias 36:5

Inkuanto, ‘Abaloan mo amon naala na saray salita so pasen na talonggaring tan biskeg na saray sondalo? Siopay abaloan mon ontulong ed sika ed ilaban mod Asiria?

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyan tinaon a nambabayar na buis ed sikato.