2 Saray Arari 18:26 - Maung A Balita Biblia

²⁶ Insan inkuan di Eliakim, Sebna, tan Joas ed samay opisyal, “Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.”

Maung a Balita Biblia

²⁶ Insan inkuan di Eliakim, Sebna, tan Joas ed samay opisyal, Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.

2 Saray Arari 18:26 Referans Kwoze

Esdras 4:7

Diad legan na panooley nen Impirador Artajerjes ed Persia nansulat ed impirador ira di Bislam, Mitredates, Tabeel, tan saray kakaiba ra. Say salitan Aramaica so inkana ed sayan sulat da, kanyan nepeg ya ipatalus no ibasa.

Daniel 2:4

Inmebat irad ari diad salitan Aramaica, “Mansiansia komun a mambilay so Kagalang ya Ari! Ibagam ed sikami so kogip mo, et ipaliwawa mid sika.”

2 Saray Arari 18:18

Insan impaawit day Ari Ezekias, tan inabet ira na taloran opisyal to: si Eliakim a lakin anak nen Helcias tan makaoley ed palasio; si Sebna a sikritario na palasio; tan si Joas a lakin anak nen Asaf tan makaoley ed saray nepeg ya isulat.

2 Saray Arari 18:25

Abaloan yo amon ag ak tinulongan na Katawan ed indogpak ed bansa yo tan dineral ko? Say dilin Katawan so angibagad siak a dogpaan koy bansa yo tan deralen ko.”

2 Saray Arari 18:27

Inmebat imay opisyal, “Abaloan yo amon sikayo tan say ari labat so angibakian na impirador ed siak a pangibagaan kod sayan amin a bengatla? Andi, mitotongtong ak met ed saray totoon manyodyorung ed tapew na padir, a kapara yo ran mangan na dilin tai ra tan oninom na dilin sirit da.”

2 Saray Arari 18:37

Kanyan diad ermen di Eliakim, Sebna, tan Joas, pinilat day kawes da, linma la ra, insan imbalita rad ari so imbaga na samay opisyal na Asiria.

Isaias 22:15

Imbagad siak na Katawan a Dios a Makapanyarin-amin ya onla ak ed kinen Sebna, a pampipiaan ed palasio, ta ikuankod sikato,