2 Saray Arari 18:18 - Maung A Balita Biblia

¹⁸ Insan impaawit day Ari Ezekias, tan inabet ira na taloran opisyal to: si Eliakim a lakin anak nen Helcias tan makaoley ed palasio; si Sebna a sikritario na palasio; tan si Joas a lakin anak nen Asaf tan makaoley ed saray nepeg ya isulat.

Maung a Balita Biblia

¹⁸ Insan impaawit day Ari Ezekias, tan inabet ira na taloran opisyal to: si Eliakim a lakin anak nen Helcias tan makaoley ed palasio; si Sebna a sikritario na palasio; tan si Joas a lakin anak nen Asaf tan makaoley ed saray nepeg ya isulat.

2 Saray Arari 18:18 Referans Kwoze

2 Saray Arari 19:2

Imbaki tod kinen propita Isaias a lakin anak nen Amoz ira di Eliakim a makaoley ed palasio, Sebna a sikritario na palasio, tan saray mamatakken a papari. Akakawes met iray sako.

Isaias 37:2

Imbaki tod kinen propita Isaias a lakin anak nen Amoz ira di Eliakim a makaoley ed palasio, Sebna a sikritario na korti, tan saray mamatakken a papari. Akakawes met iray sako.

Isaias 36:22

Diad ermen di Eliakim, Sebna, tan Joa, pinilat day kawes da, linma la ra, insan imbalita rad ari so imbaga na samay opisyal na Asiria.

Isaias 36:3

Taloran opisyal na Juda so inmabet ed samay manonan opisyal nen Senakerib: di Eliakim a lakin anak nen Helcias tan sikatoy makaoley ed palasio, Sebna a sikritario na korti, tan Joa a lakin anak nen Asaf tan makaoley ed saray nepeg ya isulat.

2 Saray Awaran 34:8

Nen kumalabinwalon taon na panooley nen Ari Josias, kayari ton nilinisan onung ed ganggan so bansa tan say Timplo, imbaki ton manapiger na Timplo na Katawan a Dios to si Safan a lakin anak nen Azalia, si Maasias, say gobirnador na Jerusalem, tan si Joas a lakin anak nen Joakaz, sakey ya atagey ya opisyal.

1 Saray Arari 4:3

Saray sikritario na korti: di Elihoref tan Ahias a lalakin anak nen Sisa Say makaoley ed saray walan nisulat: si Josafat a lakin anak nen Ahilud

2 Samuel 20:24

si Adoram so makaoley ed impasoot a kimey; si Josafat a lakin anak nen Ahilud so makaoley ed saray nepeg ya isulat;

2 Saray Arari 18:26

Insan inkuan di Eliakim, Sebna, tan Joas ed samay opisyal, “Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.”

2 Saray Arari 18:37

Kanyan diad ermen di Eliakim, Sebna, tan Joas, pinilat day kawes da, linma la ra, insan imbalita rad ari so imbaga na samay opisyal na Asiria.

Isaias 33:7

Ontatawag na tulong iray masesebeg a totoo. Manakakis na ampaipait iray nibakin mitongtong a nipaakar ed kiwalay kareenan.