2 Saray Arari 18:12 - Maung A Balita Biblia

¹² Ataloy Samaria, ta ag inonur na saray totood Israel so Katawan a Dios da; ag da sinumpal so impisipanan tod sikara. Ag da tinoluk ya amin iray ganggan ya inter nen Moises ya aripen na Katawan. Ag ira dinmengel odino tinmoluk.

Maung a Balita Biblia

¹² Ataloy Samaria, ta ag inonur na saray totood Israel so Katawan a Dios da; ag da sinumpal so impisipanan tod sikara. Ag da tinoluk ya amin iray ganggan ya inter nen Moises ya aripen na Katawan. Ag ira dinmengel odino tinmoluk.

2 Saray Arari 18:12 Referans Kwoze

1 Pedro 4:17

Sinmabi lay oras na igapoy pananintinsia, tan onaan a nasintinsiaan iray totooy Dios. No onaan itayon nasintinsiaan, anto siriy pansumpalan da ray ag ontotombuk ed Maung a Balita na Dios?

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.

2 Timoteo 2:24

Ag nepeg a mikolkol so kumikimey na Katawan, no ag ingen nepeg a mapangasid amin a katoowan, maung a mambangat, maanos,

2 TESALONICA 1:8

Onsabin kaibay manliub ya apoy tan dusaen to ray ag makapikabat ed Dios tan saray ag ontoluk ed Maung a Balitan nipaakar ed Katawan tayon Jesus.

Mikias 3:4

Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Jeremias 7:23

Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,

Isaias 1:19

No onuren yo ak, kanen yo ray maabig a bengatlan bungay dalin.

Saray Salmo 107:17

Saray arum a totoo et makulangkulang ira; maniirap ira lapud saray kasalanan da tan saray kaogsan da;

Nehemias 9:17

Ag ira tinmoluk; alingwanan da ray amin a ginagawam; alingwanan da ray milagron ginagawam. Lapud panagpasirayew da amili ray sakey a pangulo a mamapawil ed sikara ed inkaaripen da ed Egipto. Balet manamirdona ka a Dios; mapangasi tan maaro ka, tan aliwa kan maipapasnuk. Alay kabaleg na ag mangoman a panangarom; ag mo ra inkaindan.

1 Saray Arari 9:6

Balet no sika odino saray kabyangay boleg mo et tondaan yo ak ya onuren, tan ag yo la onuren iray ganggan tan saray bilin kod sikayo, tan manlingkur tan mangigalang kayo lad saray arum a diriyos,

Josue 1:1

Kayariy impatey nen Moises ya aripen na Katawan, say Katawan akitongtong ed kinen Josue a lakin anak nen Nun tan katulong nen Moises.

Deuteronomio 34:5

Kanyan si Moises ya aripen na Katawan inatey diman ed dalin na Moab, onung na imbagay Katawan ed sikato.

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Deuteronomio 11:28

balet samba, no sumlangen yo ra yan ganggan diad pangigalang yod arum a diriyos ya ag yo ra angigalangan nen saman.

Deuteronomio 8:20

No ag yo onuren so Katawan, ompatey kayo a singa saray totoon pateyen to legan na pankukurang yo.

Saray Bilang 12:7

Doma balet no misalita ak ed aripen kon Moises; impasen ko a makaoley ed amin a totook ya Israelita.

2 Saray Arari 21:8

No onuren na saray totood Israel iray amin a bilibilin ko tan sumpalen day intiron Ganggan ya inter ed sikara nen Moises ya aripen ko, ag ko ra abuloyan a napataynan ed dalin ya inter kod saray lalaki ra.”

Saray Salmo 78:10

Ag da tinoor so impisipanan dad Dios; ag da tinoluk so ganggan to.

Amos 2:6

Say Katawan kuanto, “Nankakasalanan iray totood Israel, kanyan andi-saew a dusaen ko ra. Ilalako ran aripen iray lalakin matonung ya ag da nabayaray utang da, saray mairap-bilay ya ag da nayarian a bayaran so anggan bili na sankatopag a sandalya.

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

Ezekiel 11:12

Nakabatan yo a siak so Katawan, ta diad pangoonur yod saray ganggan na saray kaabay yon bansa, susumlangen yo ray ganggan tan saray bilin ko.”

Daniel 9:5

“Nankasalanan kami, maoges kami, makapoy iray ginagawa mi. Sinumlang tan impolisay mi ray ganggan mo tan saray bilin mod sikami.