2 Saray Arari 17:8 - Maung A Balita Biblia

⁸ inalig da ray ogali na saray totoon pinataynan na Katawan legan dan mankukurang, tan tinombuk da ray ogalin inggapo na saray arari na Israel.

Maung a Balita Biblia

⁸ inalig da ray ogali na saray totoon pinataynan na Katawan legan dan mankukurang, tan tinombuk da ray ogalin inggapo na saray arari na Israel.

2 Saray Arari 17:8 Referans Kwoze

2 Saray Arari 16:3

ta inalig to ray ginagawa na saray ararid Israel. Insaklang ton bagat a popoolan ed saray talintaoy diriyos so anggan say dilin anak ton laki, ta inalig toy makapaingungot a kaogaliyan na saray totoon pinataynan na Katawan legan a mankukurang iray Israelita.

Deuteronomio 18:9

“No onsabi kayod dalin ya iiter ed sikayo na Katawan a Dios yo, ag yo aaligen iray makapaingongot ya ogali na saray bansan wadman la.

Levitico 18:3

Ag yo aaligen iray kagagawa na saray Egipsio a nanayaman yo nen saman, odino saray kagagawa da ray taga dalin na Canaan a pangyaakaran kod sikayo natan.

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

Oseas 5:11

Napapairap so Israel; abalang to so dalin a kayaryan ton peteg. Onyay agawad sikato, ta impasoot toy kinmerew na tulong ed saray anggapoy niiter dan tulong.

Jeremias 10:2

Kuanto, “Ag yo aaligen so kabibilay na saray totoo ed arum a bansa, tan ag kayo nagugunigon ed saray tanda a nanengneng yo ed tawen, anggaman a natatakot iray taga arum a bansa.

Saray Salmo 106:35

Ingen, akiasawaan irad sikara, tan tinmombuk irad saray kaogaliyan da.

2 Saray Arari 21:2

Nanggagawa na kaogsan ed arap na Katawan, ta inalig to ray makapaingungot ya ogali da ray pinapataynan na Katawan legan a mankukurang iray totoo to.

2 Saray Arari 17:19

Balet ag met inonur na saray totood Juda iray ganggan na Katawan a Dios da; inalig da ray ogalin inalig na saray totood Israel.

2 Saray Arari 16:10

Nen linmad Damasco si Ari Acaz, ta abeten toy Impirador Tiglat-pileser, anengneng tod may altar. Impawit tod kinen Urias a pari so kinon altar a kaparpara tod amiamin imay altar ed Damasco.

1 Saray Arari 21:26

Nanggagawa na saray makapabaing a tuloy a kasalanan na panangigalang ed saray talintao, a singa ginagawa na saray Amorreo, saray totoon pinataynan na Katawan ed dalin nen nilooban na saray Israelita.)

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

Ezekiel 5:6

Balet sinumpa na Jerusalem iray ganggan ko tan impanengneng to a lalon maoges ni nen saray arum a bansa, lalon aliwan maonur nen saray bansan walad kaliber-liber to. Impolisay to ray ganggan ko tan ag to binirbir iray bilin ko.

Exodo 23:24

Ag kayo ondadakmomo odino mangigagalang ed saray diriyos da, tan ag yo aaligen iray kagagawa rad panangigalang da. Deral yo ray diriyos da tan igeba yo ray masanton lusek da a bato.

Levitico 26:1

Say Katawan kuanto, “Ag kayo manggagawa na saray diriyos, ni mangipapaalagey na saray talintao, saray baton lusek, odino saray kinortin bato a galangen yo. Siak so Katawan a Dios yo.

2 Saray Arari 17:40

Balet ag dinmengel ira man a totoo, tan intuloy dan inonur iray gendat ya ogali ra.