2 Saray Arari 17:39 - Maung A Balita Biblia

³⁹ Nepeg a takotan yo ak, say Katawan a Dios yo, et iyagel ta kayod saray kalaban yo.”

Maung a Balita Biblia

³⁹ Nepeg a takotan yo ak, say Katawan a Dios yo, et iyagel ta kayod saray kalaban yo.

2 Saray Arari 17:39 Referans Kwoze

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Nehemias 9:27

kanyan inyabuloy mon nadakep tan naoleyan ira na saray kalaban da. Nen wala rad segsegang kinmerew irad sika na tulong, et manlapud tawen dinengel mo ra. Lapud baleg a panangasim initdan mo ra na saray pangulo ya angyaagel ed sikarad saray kalaban da.

2 Saray Arari 17:36

Nepeg yo ak a takotan, siak a Katawan, ya angipaway ed sikayod Egipto diad panamegley na baleg a pakayari; nepeg kayon ondakmomod siak tan mangibagat ed siak.

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.

Lucas 1:71

Insipan ton iyagel to itayod saray kalaban tayo, tan ipaliis to itayod saray mamobosul ed sikatayo.

2 Saray Arari 17:38

tan ag yo nepeg a lingwanan so impisipanan kod sikayo.

2 Saray Arari 17:40

Balet ag dinmengel ira man a totoo, tan intuloy dan inonur iray gendat ya ogali ra.

1 Samuel 7:3

Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”