2 Saray Arari 17:34 - Maung A Balita Biblia

³⁴ Anggad natan gagawaen da ni ray gendat ya ogali ra. Ag da gagalangen so Katawan tan ag da anggan oonuren iray ganggan tan saray bilin ya inter tod saray kabyangay boleg nen Jacob ya inngaran to na Israel.

Maung a Balita Biblia

³⁴ Anggad natan gagawaen da ni ray gendat ya ogali ra. Ag da gagalangen so Katawan tan ag da anggan oonuren iray ganggan tan saray bilin ya inter tod saray kabyangay boleg nen Jacob ya inngaran to na Israel.

2 Saray Arari 17:34 Referans Kwoze

Genesis 35:10

Inkuan na Dios ed sikato, “Jacob so ngaran mo, balet manlapud natan Israel la.” Kanyan Israel so inngaran na Dios ed sikato.

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Isaias 48:1

Dengel yo ya, sikayo ran totood Israel, sikayo ran totoon say sengeg yo et si Juda: Mansasamba kayod ngaran na Katawan tan ibabaga yon igagalang yoy Dios na Israel— balet anggapoy kabaliksan iray salita yo.

2 Saray Arari 17:33

Kanyan inggalang day Katawan, balet inggalang da met iray diriyos dan dili, onung ed saray ogali na saray bansan nanlalapwan da.

2 Saray Arari 17:25

Diad onona ran taon na impanayam dad man, ag da inggalang so Katawan, kanyan pigarad sikaray pinatey na lion ya imbaki na Katawan.

1 Saray Arari 18:31

Angalay labinduan bato, sakey so para kapag sakey a tribu ya inngaran onung ed saramay labinduan anak nen Jacob, say lakin angitdan na Katawan na ngaran ya Israel.

1 Saray Arari 18:11

Et natan papaonlaen mo ak ed sikato, ta ibagak ed sikaton wadya ka?

1 Saray Arari 11:31

insan to inkuan ed kinen Jeroboam, “Ala kay samploran pinglis para sika, ta say Katawan a Dios na Israel kuantod sika, ‘Ikalen toy nanarian ed kinen Solomon, tan iter kod sikay samploran tribu.

Genesis 33:20

Nanggawad may sakey ya altar tan nginaranan to para El, say Dios na Israel.

Genesis 32:29

Inkuanen Jacob, “Ibagam met sirin so ngaran mo.” Balet inmebat, “Akin et labay mo nin naamtaan so ngaran ko?” Binindisionan tod satan si Jacob.

2 Saray Arari 17:40

Balet ag dinmengel ira man a totoo, tan intuloy dan inonur iray gendat ya ogali ra.

Saray Salmo 55:20

Samay gendat a kaibak dinogpaan to ray kakaaro to; ag to tinoor iray sipan to.

Probirbio 14:2

Mambilay kan matwa, et ipapanengneng mon walay panamagalang mod Katawan; mambilay kan maoges, et ipapanengneng mon anggapoy panamagalang mod Katawan.