2 Saray Arari 17:25 - Maung A Balita Biblia

²⁵ Diad onona ran taon na impanayam dad man, ag da inggalang so Katawan, kanyan pigarad sikaray pinatey na lion ya imbaki na Katawan.

Maung a Balita Biblia

²⁵ Diad onona ran taon na impanayam dad man, ag da inggalang so Katawan, kanyan pigarad sikaray pinatey na lion ya imbaki na Katawan.

2 Saray Arari 17:25 Referans Kwoze

2 Saray Arari 17:41

Inggalang na saraman a totoo so Katawan, balet inggalang da met iray talintaoy diriyos da; tan anggad natan gagawaen na saray kabyangay boleg da iray singa ginagawa ra.

2 Saray Arari 17:34

Anggad natan gagawaen da ni ray gendat ya ogali ra. Ag da gagalangen so Katawan tan ag da anggan oonuren iray ganggan tan saray bilin ya inter tod saray kabyangay boleg nen Jacob ya inngaran to na Israel.

2 Saray Arari 17:32

Inggalang met na sarayan totoo so Katawan tan nampili rad sikaran dili na saray nandoroman klasi na totoo a manlingkur a papari ed saray paganon pasen a panangigalangan tan mangisaklang irad man na saray bagat a para sikara.

Jonas 1:9

“Sakey ak a Hebreo,” ebat nen Jonas. “Mangigagalang ak ed Katawan a Dios na tawen, say nanggawad dalin tan say dayat.”

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Ezekiel 14:15

“Nayarin mangibaki ak na saray ayayep ed katakelan a mamatey ed saray totoo, tan pagmaliwen dan maatap so dalin, kanyan anggapoy manakar-akar a too;

Jeremias 15:3

Siak, say Katawan, ginetmak lan apatiran makapasinagem a segsegang so ondalan ed sikara: napatey ira; bingbingkasen na saray aso iray bangkay da; kanen na saray manok iray bangkay da, tan buagen na saray ayayep ed katakelan iray nakeraan.

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Jeremias 5:6

Lapud saya pateyen ira na saray lion a manlapud takel; bingbingkasen ira na saray asod katakelan a manlapud kalawakan; onloob ed saray baley da iray liopardo. Siopaman ed sikara so ompaway nabingbingkas ta amayamay lay kasalanan da, tan amimpiga-piga la ran inmaarawi ed Dios.

2 Saray Arari 17:28

Sakey sirin a parin Israelitan nanlapud Samaria so linmad Betel tan nanayam diman, insan binabangatan tod man iray totoo no panoy pangigalang ed Katawan.

2 Saray Arari 2:24

Nilingaw to ra, minoldagatan to ra, tan insamba to rad ngaran na Katawan. Kabebekta pinmaway ed takel so duaran uso a kabatyan tan binibingkas day apataplo tan dua ed saramay ogogaw a lalaki.

1 Saray Arari 20:36

Kanyan inkuantod sikato, “Lapud ag mo inonur so ganggan na Katawan, pateyen ka na lion kataynan mo dia.” Kataynan to may propita, sinabat tan pinatey na lion.

1 Saray Arari 13:24

Linma la may propitan taga Juda, tan diad dalan inabet na lion tan pinatey da. Abaktar ed dalan so bangkay na samay propita, tan nanalagey ed abay to imay asno tan samay lion.

Josue 22:25

Impagmaliw ton ketegan tayo so Jordan, sikami tan sikayo ran totoo na Ruben tan Gad. Anggapoy pibabali yod Katawan.’ Diad ontan saray kabyangay boleg yo et nayarin patondaen dan mangigalang ed Katawan iray kabyangay boleg mi.

Levitico 26:22

Mangibaki ak ed sikayo na saray masebeg ya ayayep ed takel, tan pateyen da ray anak yo, deralen da ray baka yo, tan lapud dagdaiset ed sikayo so ikera ra magmaliw a begtebegtew iray dalan yo.

2 Saray Arari 17:26

Nibagad impirador na Asiria a saray totoon impanayam tod saray siudad na Samaria et ag da amtay ganggan na dios na saman a dalin, kanyan papateyen ira na saray lion ya imbaki na dios.

Isaias 15:9

Diad baley na Dibon, ambalangad dala so ilog, tan wala niy lalon makapasinagem ya ipadalan diman na Dios. Nagaway pinasyan pampatey ed saray mabilay ya atilak ed Moab.