2 Saray Arari 17:20 - Maung A Balita Biblia

²⁰ Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

Maung a Balita Biblia

²⁰ Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

2 Saray Arari 17:20 Referans Kwoze

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

Jeremias 6:30

Natatawag iran andi-kakanaan a pilak, ta siak, say Katawan, impolisay ko ra.”

2 Saray Arari 13:3

Lapud saya, akapasnuk ed Israel so Katawan, kanyan inabuloyan toy Hazael na Siria tan si anak ton laki a si Ben-hadad a tinalo ran amimpiga so Israel.

2 TESALONICA 1:9

Manlikna ray dusa, salanti say andi-anggaan a kaderal da tan say kiarawi rad arap na Katawan tan diad mapagalang a pakayari to.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Jonas 1:10

Intuloy nen Jonas ya imbagad sikara ya ibabatikan toy Katawan. Mapalaloy inkataktakot da ra may mariniro, kanyan kuandad sikato, “Akin et ontay ginawam?”

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Jeremias 46:28

Dagoen ta kayo, ta iyagel ta kayo. Deralen koy amin a bansa ya angikaykayatan kod sikayo, balet ag ta kayo deralen. Andi-saew ya abuloyan kon nadusa kayo; balet no dusaen ta kayo, gawaen ko onung ed katonungan. Siak, say Katawan, so nansalita.”

Isaias 45:25

Siak, say Katawan, ilaban ko ray amin a kabyangan na boleg nen Jacob, et idayew da ak.

2 Saray Arari 18:9

Diad kumapat a taon na panooley nen Ezekias—a sikatoy kumapiton taon na panooley nen Ari Oseas ed Israel—nilabanan nen Impirador Salmaneser na Asiria so Israel tan nilakob toy Samaria.

2 Saray Arari 17:18

Mapalalo sirin so pasnuk na Katawan ed saray Israelita, kanyan pinataynan to rad arap to tan intilak to labat so nanarian na Juda.

2 Saray Arari 17:15

Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.

2 Saray Arari 13:7

Anggapoy nakdaan a sondalo nen Joacaz likud labat ed saray limamplon kumakabayo, samploran karwahi, tan samplon libon sondalo, ta dinederal na ari na Siria iray arum; ginagatinan da ran singa dabuk.

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

1 Samuel 15:26

“Ag ak milad sika,” ebat nen Samuel. “Impolisay moy ganggan na Katawan, kanyan impolisay to ka ya ari na Israel.”

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

Deuteronomio 11:12

Say Katawan a Dios yo et aasikasoen to yan dalin tan babantayan to lawas.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Saray Salmo 53:5

Balet ontan lay kataktakot da; anggapo niy asali ran onyan takot; ta ibuyak na Dios iray pokepokel na saray kalaban da ray totoo to. Impolisay ira na Dios, kanyan sigput a taloen ira na Israel.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Deuteronomio 32:20

Inkuanto, ‘Ag ko la ra tulongan; nengnengen kod satan no antoy nagawa ed sarayan anawet so olo tan aliwan matoor a totoo.

Josue 23:13

andiduaruwan ag la ra pabatiken na Katawan a Dios yo legan yon lolooban iray dalin da. Ingen, magmaliw iran singa patit o kalut ed sikayo odino singa ra ansakit a bakbak ed beneg yo odino sabit ed mata yo. Et mansiansia yan anggad anggapoy nakeraan ed sikayo ed sayan maung a dalin ya inter ed sikayo na Katawan a Dios yo.

Saray Huis 18:30

Inlira na saramay kabyangay tribu nen Dan imay talintao a galangen da, et si Jonatan a lakin anak nen Gersom tan apo nen Moises so pari na saray kabyangay tribu nen Dan tan saray kabyangay boleg nen Jonatan so pari ra ya anggad nibantak ed arum a bansa iray totoo.

2 Saray Arari 13:23

balet mapangasi tan maabagey so Katawan ed sikara. Ag to inyabuloy a naderal ira, no ag ingen tinulongan to ra, lapud impisipanan tod kindi Abraham, Isaac, tan Jacob. Ag to nilingwanan iray totoo to.

2 Saray Arari 21:14

Ikaindan ko ray totoon nakdaan a mabilay, insan iyawat ko rad saray kalaban dan manakep ed sikara tan maneral ed dalin da.

2 Saray Arari 23:27

Inkuan na Katawan, “Gawaen kod Juda so singa ginawak ed Israel: pataynanen ko ray totood Juda, tan ipolisay koy Jerusalem, say siudad a pinilik. Ipolisay ko met so Timplo, say pasen ya imbagak a pangigalangan ed siak.”

2 Saray Arari 24:3

Agawa ya diad panangiganggan na Katawan, pian napaekal tod arap to ray totood Juda lapud amin da ray kasalanan a ginagawa nen Manases,

Saray Salmo 51:13

Ibangat kod satan iray ganggan mo ed saray makasalanan, et ompawil irad sika.

Saray Salmo 80:13

naalibuk tan natumba na saray animolok, tan nabwag na saray ayayep ed katakelan.

Isaias 2:6

O Dios, inkaindan mo ray totoom, saray kabyangay boleg nen Jacob! Ginawam so onya lapud say bansa et napno na saray managaniton salamangkiro a taga ra Bokig tan taga ra Filistia. Aaligen na saray totoo so ogali da ray taga arum a bansa.

Jeremias 7:15

Paandipaten ta kayod pakanengneng ko a singa samay ginawak ed saray kakanayon yon totood Israel. Siak, say Katawan, so nansalita.”

Jeremias 52:3

Lapud mapalalon pasnuk na Katawan, pinaekal tod arap to iray totood Jerusalem tan saray totood Juda. Linmaban si Sedekias ed Ari Nabucodonosor na Babilonia.

Oseas 1:6

Nanlokun lamet si Gomer tan nananak na sakey a bii. Say Katawan kuantod kinen Oseas, “Ingaran mo so anak mo na “Ag naaro,” ta ag ko la aroen iray totood Israel odino pirdonaen ira.

Oseas 12:3

Akipoligesgesan si laki ran Jacob ed kinen Esau a kalasun to nen wala ni rad eges na ina ra; nen binmaleg lay Jacob, akibalsakan ed Dios—