2 Saray Arari 17:14 - Maung A Balita Biblia

¹⁴ Balet ag ira tinmoluk; anawet so olo ra, a singa saray lalaki ran ag nanmatalek ed Katawan a Dios da.

Maung a Balita Biblia

¹⁴ Balet ag ira tinmoluk; anawet so olo ra, a singa saray lalaki ran ag nanmatalek ed Katawan a Dios da.

2 Saray Arari 17:14 Referans Kwoze

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Deuteronomio 31:27

Amtak so ontan lan inkaawet na olo ra tan say inkasumlang da. Legan na impanbilay ko sinumlang day Katawan, tan lalo ni ingen so isumlang da no inatey ak la.

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Isaias 48:4

Amtak ya anawet so olom, anaweawet a singa balatyang tan ag napiklon singa gansa.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Saray Salmo 106:24

Insan impolisay da so balibalin dalin, ta ag da sinisia so sipan na Dios.

Saray Salmo 78:32

Anggaman a wala ra yan agawa intuloy na saray totoo so nankasalanan; anggaman a wala ray milagron ginagawa to ag ira anisia.

Saray Salmo 78:22

ta ag ira nanmatalek ed sikato tan ag ira anisia ya ilaban to ra.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

Deuteronomio 1:32

Balet anggaman ya onmay imbagak, ag yo nin siansia nanmatalkan so Katawan,

Exodo 32:9

Amtak so inkaawet na olo da ra yan totoo.

Exodo 16:28

Insan say Katawan kuantod kinen Moises, “Kapigan mangangga so isusumlang na saray totoo ed saray ganggan ko?

Exodo 33:3

Sikayoy onla ed sakey a mayaman tan mataban dalin. Balet aliwan siak a dili so mila ed sikayo lapud anawet so olo yon totoo, ompan naderal ta kayo ed dalan.”

Deuteronomio 9:13

“Say Katawan kuanto nid siak, ‘Amtak so awet na olo da ra yan totoo.

Saray Salmo 78:8

Ag ira magmaliw a singa saray lalaki ra a matonganga tan bangar iran totoo; aliwan malet so panagmatalek dad Dios, tan ag ira nansiansian matoor ed sikato.

Jeremias 34:14

a kapag pitoy taon mangibolus ira na siopaman a Hebreon aripen ya akapanlingkur lad sikara na anem taon. Balet ag ak inkabilangan na saray lalaki yo; ag da dinengel so imbagak.

Ezekiel 3:19

No pinasakbayan moy sakey a toon maoges et ag to tondaay pankakasalanan to, ompatey a sikakasalanan, balet nilaban moy bilay mo.

Daniel 5:20

Balet lapud nagmaliw a mapaatagey, anawet so puso, tan maruksa si amam, niepas ed trono to tan nakalan na kagalangan.

2 Saray Awaran 24:19

Angibaki so Katawan na saray propita a mamasakbay ed sikara pian makapawil irad Katawan, balet ag da ra dinengel.

Nehemias 9:29

Pinasakbayan mo ran onuren da ray ganggan mo balet lapud panagpasirayew da ag da ra inonur, anggaman a say pangonur ed Ganggan mo et pakagamuran na bilay. Diad kinaawet na olo ra tan inkabangar da, ag da labay so ontoluk.

Jeremias 3:7

Ninunot ko, a kayari ton gawaen ira yan amin, andi-saew ya ompawil ed siak. Balet ag pinmawil, insan say malamang ya agi ton bii a Juda et anengneng to yan agawa.

Ezekiel 2:3

“Sika a toon ompatey, ibaki ta ka ed saray totood Israel. Linmaban irad siak tan sinumpa ra ak tan itutuloy day onlaban ed siak, a singa ginawa na saray lalaki ra.

Ezekiel 12:2

Inkuanto, “Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.

Oseas 11:2

Balet no panoy intawag kod sikato, ontan met so inyarawi tod siak. Nambabagat ed Baal iray totook; nampopool iray insinso ed saray talintaoy diriyos.