2 Saray Arari 17:13 - Maung A Balita Biblia

¹³ Angibakiy Katawan na saray managpulong tan saray propita to a mamasakbay ed Israel tan Juda. Onyay impaikuantod sikara: “Ikaindan yo ray maoges a kagagawa yo tan onur yo ray bilin kon walad Ganggan ya inter kod saray lalaki yo tan impasabik ed sikayo diad panamegley na saray aripen kon propita.”

Maung a Balita Biblia

¹³ Angibakiy Katawan na saray managpulong tan saray propita to a mamasakbay ed Israel tan Juda. Onyay impaikuantod sikara; Ikaindan yo ray maoges a kagagawa yo tan onur yo ray bilin kon walad Ganggan ya inter kod saray lalaki yo tan impasabik ed sikayo diad panamegley na saray aripen kon propita.

2 Saray Arari 17:13 Referans Kwoze

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

1 Samuel 9:9

Inmebat si Saul, “Maung itan! Tala.” Kanyan linma rad baley a panaayaman to may masanton too. Nen ontatatdang iran onlad baley, nabet da ray pigaran bibii ya onlan onasul. Tinepet dad saramay bibii, “Wadya may managparles?” (Diad saman a panaon, managparles so tawag dad sakey a propita, kanyan no walay malabay ya ontepet ed Dios, ikuanto, “Onla tayod managparles.”)

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

Deuteronomio 31:21

et amayamay a makapataktakot a deral so ondalan ed sikara. Balet nakanta yan kanta, tan magmaliw a sakey a tasi a sumpad sikara. Anggan natan, kasakbayan ko ran iyakar ed dalin ya insipan kod sikara, amtak la so nununoten da.”

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Jeremias 42:19

Insan intuloy kon inkuan, “Imbaga na Katawan ed sikayo ran atilak ed Juda ya ag kayo oonla ed Egipto. Kanyan papasakbayan ta kayo natan,

Saray Salmo 50:7

“Dengel kayod ibagak, sikayon totook; mantasi ak sumpad sika, Israel. Siak so Dios, say Dios mo.

1 Saray Awaran 29:29

Say awaran na impanbilay nen Ari David, manlapud gapo ya anggad samput, et nikorit ed saray awaran di propita Samuel, Natan, tan Gad.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”

Deuteronomio 8:19

Ag yo lilingwanan so Katawan a Dios yo, ag kayo onsisingger ed saray diriyos a igalang tan panlingkuran yo. No gawaen yo ya, pasakbayan ta kayo natan ya andi-saew ya ompatey kayo.

Deuteronomio 4:26

Nitan so tawen tan say dalin a sikara natan so mantasi sumpad sikayo a no ag yo ak onuren, ag mabayag naandipat kayod dalin. Ag kayo mambayag a manayam ed dalin ed nibaliw na Jordan a ngalngali yo la napanayaman. Sigput kayon napatey.

Saray Huis 6:10

Imbagak ed sikayo a siak so Katawan a Dios yo tan ag kayo nepeg a mangigalang ed saray diriyos da ray Amorreo a say dalin da so panaayaman yo natan. Balet ag yo inngalngalep iray salitak ed sikayo.”

Say Libro nen Job 36:10

Ipaparengel tod sikara so pasakbay to, pian arawian day kaogsan.

Jeremias 3:7

Ninunot ko, a kayari ton gawaen ira yan amin, andi-saew ya ompawil ed siak. Balet ag pinmawil, insan say malamang ya agi ton bii a Juda et anengneng to yan agawa.

Jeremias 34:14

a kapag pitoy taon mangibolus ira na siopaman a Hebreon aripen ya akapanlingkur lad sikara na anem taon. Balet ag ak inkabilangan na saray lalaki yo; ag da dinengel so imbagak.

Ezekiel 3:19

No pinasakbayan moy sakey a toon maoges et ag to tondaay pankakasalanan to, ompatey a sikakasalanan, balet nilaban moy bilay mo.

Daniel 9:10

Ag kami dinmengel ed sika, O Katawan a Dios mi, nen imbagam a mambilay kami onung ed saray ganggan ya inter mod sikami diad panamegley na saray aripen mon propita.

Oseas 11:2

Balet no panoy intawag kod sikato, ontan met so inyarawi tod siak. Nambabagat ed Baal iray totook; nampopool iray insinso ed saray talintaoy diriyos.

Oseas 12:10

“Akisalita ak ed saray propita tan impapanengneng kod sikaray amayamay a pasingayew, tan diad panamegley na saray propita pinapasakbayan ko ray totoo.

Saray Huis 6:8

Angibakid sikara so Katawan a Dios na Israel na sakey a propita tan impaikuantod sikara: “Impaway ta kayod inkaaripen ed Egipto.

1 Saray Arari 16:1

Nansalitay Katawan ed kinen propita Jehu a lakin anak nen Hanani tan impaikuantod kinen Baasa:

1 Saray Arari 16:7

Niiter ed panamegley nen propita Jehu a lakin anak nen Hanani so salita na Katawan sumpad kinen Baasa tan saray kabyangan na pamilya to, lapud saray kasalanan nen Baasa ed Katawan. Aliwa labat a say impanggagawa toy kaogsan, a singa say impanggagawa nen Jeroboam ya akaonan nanoley nen say sikato, so makasengeg na impamasnuk na Katawan, no ag ingen lapu met ed impamatey tod kinen Jeroboam tan amin kabyangan na pamilya to.

2 Saray Arari 18:6

Matoor ed Katawan, ag ton balut sinumlang, no ag ingen inapiapiger ton inonur ya amin iray ganggan ya inter na Katawan ed kinen Moises.

2 Saray Arari 21:10

Inkuan na Katawan ed panamegley na saray aripen ton propita,

Say Libro nen Job 11:14

Ekal mod abung mo so kaogsan tan say kabaglan.

Jeremias 11:7

Nen impaway ko ed Egipto iray lalaki ra, masimoon ko ran pinasakbayan ya onuren da ak. Insan ko intutuloy a pinapasakbayan iray totoo ya anggad natan.

Jeremias 25:3

“Diad loob na duamplo tan taloy taon, nanlapu lad kumalabintalon taon na panaarid Juda nen Josias a lakin anak nen Amon ya anggad natan, nansasalitad siak so Katawan tan intutuloy kon imbagad sikayo so sinalita to. Balet ag yo inasasikaso.

Oseas 12:11

Balet siansian nagagalang ed Galaad iray talintaoy diriyos, et ompatey iray mangigagalang ed saray talintao. Nibagat ed Gilgal iray baka, et magmaliw iran bunton na saray bato diad saray maawang a kaalogan iray altar diman.”