2 Saray Arari 16:14 - Maung A Balita Biblia

¹⁴ Walad leet na balon altar tan Timplo so gansan altar a nisaklang ed Katawan, kanyan impaiyalis nen Acaz ed baybay na balon altar.

Maung a Balita Biblia

¹⁴ Walad leet na balon altar tan Timplo so gansan altar a nisaklang ed Katawan, kanyan impaiyalis nen Acaz ed baybay na balon altar.

2 Saray Arari 16:14 Referans Kwoze

2 Saray Awaran 4:1

Nanggawa si Ari Solomon na gansan altar a samploran mitro a kuadrado tan limaran mitroy kaatagey to.

Exodo 40:29

tan diman ed arap na kurtina inlira to may altar a panagpoolan na saray bagat. Dimad tapew na altar insaklang toy bagat a popoolan tan say bagat a trigo, onung na ingganggan na Katawan.

Exodo 40:6

Iliram ed arap na Tulda so altar a panagpoolan na saray bagat.

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

2 Saray Awaran 1:5

Wadman met ed Gabaon diad arap na Tuldan Ayamay Katawan so gansan altar a ginawa nen Bezalel a lakin anak nen Uri tan apo nen Hur. Si Solomon tan amin da ray totoo et inggalang day Katawan diman ed Gabaon.

2 Saray Arari 16:11

Kanyan angipaalagey si Urias na altar a kaparpara to may altar ed Damasco tan sinumpal to kasakbayay impawil nen Acaz.

Exodo 27:1

Manggawa ka na altar ya akasia. Nepeg a kuadrado; duara tan kapalduan mitro so karokey to tan duara tan kapalduan mitro so kaawang to, tan sakey tan kapalduan mitro so kaatagey to.

Exodo 27:2

Manggawa ka na saray pinagkasaklur ed toktok na apatiran suyok to. Mitekep ira ed altar tan naokupan na gansa.

2 Saray Arari 16:13

kanyan nampoolan to na saray imbabagat ya ayayep tan saray trigo. Inibungan to met na bagat ya alak tan say dala na bagat a para kareenan.

2 Saray Arari 16:15

Insan ingganggan tod kinen Urias, “Diad tapew na sayan baleg ya altar ko isaklang yo ray bagat a popoolan no kabwasan, balet no labi saray bagat a trigo, saray bagat a popoolan, tan saray bagat a trigo a sikaray bagat na ari tan saray totoo, tan say alak a bagat met na saray totoo. Ibung mod saman ya altar so dala na amin ya ayayep a nibagat. Balet ag mo ikakana may gansan altar, ta ikanak no walay labay kon amtaen.”

2 Saray Awaran 29:19

Impawil mi met iray amin a kagawaan ya inekal nen Ari Acaz legan na saray taon ya ag to tinoor so Dios. Pinasimbalo mi ran insaklang tan wadman ira natan ed arap na altar na Katawan.”

Ezekiel 43:8

Saray arari inyabay dad puirta na Timplok so puirta na palasio ra, kanyan padir labat so nanleetan mi. Lapud saray makapaingungot a ginagawa ra, impelag dad kababaingan so masanton ngaran ko, kanyan diad gaway pasnuk ko dinederal ko ra.