2 Saray Arari 15:37 - Maung A Balita Biblia

³⁷ Sikatoy peles ya ari nen imbaki na Katawan ira di Ari Rezin na Siria tan Ari Pekas na Israel, a dogpaan day Juda.

Maung a Balita Biblia

³⁷ Sikatoy peles ya ari nen imbaki na Katawan ira di Ari Rezin na Siria tan Ari Pekas na Israel, a dogpaan day Juda.

2 Saray Arari 15:37 Referans Kwoze

Isaias 7:1

Ginmapoy bakal nen manaarid Juda si Ari Acaz a lakin anak nen Jotam tan apo nen Uzias. Say ari na Siria a si Rezin tan say ari na Israel a lakin anak nen Remalias et dinogpaan day Jerusalem, balet ag da adakep.

2 Saray Arari 16:5

Di Ari Rezin na Siria tan Ari Pekas na Israel et dinogpaan tan nilooban day Jerusalem, balet ag da natalo si Acaz. (

Lucas 21:28

No ginmapo la ra yan nagawa, alagey kayo tan tangay kayo, ta asingger lay kilalaban yo.”

Jeremias 43:10

Insan mo ibagad sikara a siak, say Katawan a Makapanyarin-amin a Dios na Israel, iyakar ko diay aripen kon Ari Nabucodonosor na Babilonia, insan to ipasen so trono to diad tapew na sayan inkotkot mon bato, tan ipaalageyan to na tulday ari.

Jeremias 25:29

Igapok ed dilin siudad ko so panderal. Abaloan da amon ag ira nadusa? Nadusa ra, ta ipadalan koy bakal ed amin a katoowan diad tapew na dalin. Siak, say Katawan, so nansalita.

Jeremias 16:16

Say Katawan kuanto, “Mangibaki ak na saray amayamay a sumisigay a mangerel ed sarayan totoo. Insan mangibaki ak na saray amayamay ya umaanup a manganup ed sikara diad palandey tan pokdul, tan anggan diad saray abut ed saray ankakabaleg a bato.

Isaias 7:8

Akin? Lapud aliwan mabiskeg so Siria nen say Damasco a manonan baley to, tan say Damasco et aliwan mabiskeg nen si Ari Rezin. No nipaakar ed Israel, naderal-deral ed loob na anemaplo tan limay taon kanyan ag natogyup a sakey a bansa.

Saray Salmo 78:49

Pinadalan tod sikara so ontan lan kairapan diad impangidapo toy mapalalon pasnuk tan petang na olo ya imbaki to ran singa saray anghil a managpatey.

2 Saray Arari 10:32

Diad sayan panaon pinamelag na Katawan so dalin a nasasakopan na Israel. Adakep nen Ari Hazael na Siria iray amin a dalin a sakop na Israel

1 Samuel 3:12

Diad satan ya agew gawaen ko, manlapud gapo ya anggad samput, iray amin ya imbagak sumpad pamilya nen Eli.

Deuteronomio 28:48

Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.

2 Saray Arari 15:36

Nisulat ed libron Say Awaran da ray Ararid Juda iray arum nin ginagawa nen Jotam.

2 Saray Arari 15:38

Inatey si Jotam, nipompon ed kamposanto da ray arari diad Siudad nen David, insan sinmalat a nanari si Acaz a lakin anak to.

2 Saray Arari 15:27

Nen kumalimamplo tan duan taon na panooley nen Ari Uzias ed Juda, nagmaliw ya ari na Israel si Pekas a lakin anak nen Remalias, tan nanayam ed Samaria legan ton nanoley a duamploy taon.