2 Saray Arari 15:32 - Maung A Balita Biblia

³² Nen kumadwan taon na panaarid Israel nen Pekas a lakin anak nen Remalias, nagmaliw ya arid Juda si Jotam a lakin anak nen Uzias.

Maung a Balita Biblia

³² Nen kumadwan taon na panaarid Israel nen Pekas a lakin anak nen Remalias, nagmaliw ya arid Juda si Jotam a lakin anak nen Uzias.

2 Saray Arari 15:32 Referans Kwoze

1 Saray Awaran 3:12

Amasias, Uzias, Jotam,

2 Saray Arari 15:7

Inatey si Uzias, nipompon ed kamposanto da ray arari diad Siudad nen David, insan sinmalat ed sikaton nanari si Jotam a lakin anak to.

Mateo 1:9

Si Ozias so ama nen Jotam; si Jotam so ama nen Acaz; si Acaz so ama nen Ezekias.

2 Saray Arari 15:27

Nen kumalimamplo tan duan taon na panooley nen Ari Uzias ed Juda, nagmaliw ya ari na Israel si Pekas a lakin anak nen Remalias, tan nanayam ed Samaria legan ton nanoley a duamploy taon.

2 Saray Arari 15:23

Nen kumalimamplon taon na panooley nen Ari Uzias ed Juda, nagmaliw ya ari na Israel si Pecayas a lakin anak nen Menahem, tan nanayam ed Samaria legan ton nanoley a duay taon.

2 Saray Arari 15:17

Nen kumatalomplo tan siam a taon na panooley nen Ari Uzias ed Juda, nagmaliw ya ari na Israel si Menahem a lakin anak nen Gadi, tan nanayam ed Samaria legan ton nanoley a samploy taon.

2 Saray Arari 15:13

Nen kumatalomplo tan siam a taon na panooley nen Ari Uzias ed Juda, nagmaliw ya ari na Israel si Sallum a lakin anak nen Jabes, tan nanayam ed Samaria legan ton nanoley a sakey bulan.

2 Saray Arari 15:1

Nen kumaduamplo tan piton taon na panooley nen Ari Jeroboam ed Israel, nagmaliw ya ari na Juda si Uzias a lakin anak nen Amasias.

2 Saray Arari 14:21

Insan saray totoo ed Juda kinoronaan dan manari so lakin anak nen Amasias a si Uzias a mantaon na labinanem.

2 Saray Arari 15:31

Nisulat ed libron Say Awaran da ray Ararid Israel iray arum nin ginagawa nen Pekas.

2 Saray Arari 15:33

Ginmapon nanoley nen mantaon na duamplo tan lima, tan nanayam ed Jerusalem legan ton nanoley na labinanem taon. Si Jerusa ya anak nen Zadoc so ina to.

1 Saray Awaran 5:17

(Naoksuy ira yan listaan nen panaon na impanoley nen Ari Jotam na Juda tan Ari Jeroboam na Israel.)

Isaias 1:1

Diad sayan libro nisulat iray impasingayew na Dios ed kinen Isaias a lakin anak nen Amoz legan na impanari ed Juda di Uzias, Jotam, Acaz, tan Ezekias.

Mikias 1:1

Legan na impanoley di Ari Jotam, Acaz, tan Ezekias ed Juda, say Katawan inter to yan salita ed kinen Mikias a taga baley na Moreset. Impaamta na Katawan ya amin ira yan bengatlan nipaakar ed Samaria tan Jerusalem.

2 Saray Arari 15:5

Impansakit na Katawan si Uzias na kating tan nansiansia yad sikato legan to nin nambilay. Nibiig so nanayaman ton abung, asoblayan ed saray kimey to, tan si Jotam ya anak ton laki so nanoley ed bansa.

2 Saray Arari 15:30

Nen kumaduamplon taon na panaarid Juda nen Jotam a lakin anak nen Uzias, si Oseas a lakin anak nen Ela impangulo toy komplut a sumpad Ari Pekas; pinatey to, insan sinalatan ton ari.